“Soliq hamkor” axborot tizimida soliq huquqbuzarliklari to‘g‘risida xabar berish hamda mobil ilovada xarid chekini ro‘yxatdan o‘tkazgan jismoniy shaxslarga xarid summasining 1 foiz miqdoridagi mablag‘ni qaytarish bo‘yicha ommaviy oferta

---

“Soliq hamkor” axborot tizimida soliq huquqbuzarliklari to‘g‘risida 
xabar berish hamda mobil ilovada xarid chekini ro‘yxatdan o‘tkazgan 
jismoniy shaxslarga xarid summasining 1 foiz miqdoridagi mablag‘ni 
qaytarish bo‘yicha 
OMMAVIY OFERTA
Toshkent sh.
Ushbu ommaviy oferta (keyingi o‘rinlarda–Oferta) Davlat soliq qo‘mitasining (keyingi 
o‘rinlarda–DSQ) “Soliq hamkor” axborot tizimida soliq huquqbuzarliklari to‘g‘risida xabar berish 
istagini bildirgan hamda mobil ilovada xarid chekini ro‘yxatdan o‘tkazgan jismoniy shaxslarga 
shartnoma tuzish uchun yo‘naltirilgan taklifi hisoblanadi. 
Oferta shartnomaning barcha zarur shartlarini o‘z ichiga oladi, shartnomada ko‘rsatilgan 
shartlarga rozi bo‘lgan, taklifga javob beradigan, har qanday shaxs bilan DSQning shartnoma 
tuzish istagini ifoda etadi va O‘zbekiston Respublikasi Fuqarolik kodeksining 369-moddasi 
ikkinchi xatboshiga binoan ommaviy oferta hisoblanadi. 
“Soliq
hamkor” axborot tizimidan foydalanishdan hamda mobil ilovada xarid chekini 
ro‘yxatdan o‘tkazishdan oldin Siz ushbu oferta bilan to‘liq tanishib chiqishingiz kerak. Agar, 
oferta shartlariga yoki uning biron bir qismiga rozi bo‘lmasangiz, “Soliq
hamkor” axborot 
tizimidan foydalanishdan hamda mobil ilovada xarid chekini ro‘yxatdan o‘tkazishdan bosh 
tortishingiz lozim bo‘ladi. 
Agar Siz oferta shartlariga rozi bo‘lsangiz, O‘zbekiston Respublikasi Fuqarolik 
kodeksining 365-moddasi birinchi xatboshiga binoan, Siz oferta taklifini qabul qilgan paytdan 
boshlab oferta shartnomasi tuzilgan hisoblanadi. 
Jismoniy shaxsning “Roziman” tugmachasini bosishi O‘zbekiston Respublikasi Fuqarolik 
kodeksining 370-moddasi to‘rtinchi xatboshiga muvofiq taklifni qabul qilish (akseptlash) 
hisoblanadi. 
Taklifni qabul qilish Sizning oferta matni bilan to‘liq tanishganligingizni tasdiqlaydi va 
oferta shartlarini hech qanday istisnosiz va cheklovlarsiz to‘liq hajmda qabul qilganligingizni 
bildiradi. 
Ofertaning joriy versiyasi DSQning internetdagi saytida, quyidagi manzilda 
joylashtirilgan: www.soliq.uz