“Soliq hamkor” axborot tizimida soliq huquqbuzarliklari to‘g‘risida xabar berish hamda mobil ilovada xarid chekini ro‘yxatdan o‘tkazgan jismoniy shaxslarga xarid summasining 1 foiz miqdoridagi mablag‘ni qaytarish bo‘yicha ommaviy oferta

II. UMUMIY QOIDALAR
2.1. Oferta xabar bergan va mobil ilovada xarid chekini ro‘yxatdan o‘tkazgan jismoniy 
shaxs bilan bir marotaba tuziladi hamda uning xohishiga ko‘ra “Soliq_hamkor” axborot tizimidan 
foydalanishni to‘xtatguniga qadar amal qiladi. 

---

2.2. “Soliq_hamkor” axborot tizimi orqali xabar bergan va mobil ilovada xarid chekini 
ro‘yxatdan o‘tkazgan jismoniy shaxs bilan DSQ o‘rtasidagi o‘zaro xavfsiz axborot almashinuvini 
taʼminlaydi 
2.3. Ushbu ofertani tuzish orqali xabar bergan va mobil ilovada xarid chekini ro‘yxatdan 
o‘tkazgan jismoniy shaxs DSQga o‘zining shaxsiy maʼlumotlarini (F.I.O, yashash manzili, pasport 
maʼlumotlari, uyali telefon raqami, bank plastik kartasi maʼlumotlari), qayta ishlash, shu jumladan 
yig‘ish, yozib olish, tizimlashtirish, to‘plash, saqlash, aniqlashtirish (yangilash, o‘zgartirish) va 
olishga rozilik beradi. 
2.4. Ushbu oferta shartlarini bajarish uchun avtomatlashtirilgan tizimdan foydalangan 
holda yoki bunday vositalardan foydalanmasdan, shaxsiy maʼlumotlardan foydalanish, uzatish 
(tarqatish, taqdim etish, ruxsat berish), blokirovka qilish, yo‘q qilish, shu bilan birga, ushbu 
ofertada ko‘rsatilgan har qanday shaxsiy maʼlumotlarni uchinchi tomonga berishga rozi bo‘ladi. 
2.5. DSQ xabar beruvchi va mobil ilovada xarid chekini ro‘yxatdan o‘tkazgan jismoniy 
shaxsga O‘zbekiston Respublikasining amaldagi qonunchiligi talablariga muvofiq jismoniy shaxs 
shaxsiy maʼlumotlarining maxfiyligini taʼminlash uchun barcha zarur choralarni ko‘rishini 
kafolatlaydi. Jismoniy shaxs tomonidan shaxsiy maʼlumotlarni qayta ishlashga roziligi (shu 
jumladan uchinchi shaxslarga berilishi) ushbu oferta amal qilish muddati davomida, shuningdek 
oferta muddati tugaganidan keyin 5 (besh) yil davomida amal qiladi. Shaxsiy maʼlumotlarni qayta 
ishlashga rozilik esa jismoniy shaxs tomonidan oferta shartlariga muvofiq bekor qilinishi mumkin.