Солиқ академияси

«Soliq xizmatida kasb odobnomasi» fani bo’yicha ishlab chiqilgan mazkur o’quv dasturi doirasida talabalarning kasbiy faoliyatini estetik jihatdan loyihalashtirishning asoslari haqida bilim, ko’nikma va malakalarini shakllantirish nazarda tutiladi. Fan dasturi fanlarning amaliy estetikaga doir xususiyatlarini anglab yetishda o’ziga xos ahamiyat kasb etadi.
O’quv fanining maqsadi va vazifalari
Fanni o’qitishdan maqsad - estetik madaniyatni takomillashtirish orqali talabalarda dunyoni estetik idrok qilish, go’zallik va hunuklik, ulug’vorlik va tubanlikni farqlay olish hamda yuksak estetik did talablariga mos hayot faoliyatini tashkil etishga yo’naltirilgan ilmiy asoslarni mustahkamlashdan iborat.
Fanning vazifasi:
- estetik did va estetik tuyg’uni tarbiyalash, insonparvarlik g’oyalarini idrok qilish;
- ichki va tashqi go’zallik uyg’unligini ta’minlash va bu orqali talabalarda estetik madaniyatni takomillashtirish;
- milliy va umumbashariy qadriyatlarning estetik mohiyatini idrok etish hamda ularni qadrlashga o’rgatish.
yoshlar estetik tuyg’usini tarbiyalashning nazariy va amaliy asoslarini tahlil qila olish;
- go’zallik va ulug’vorlik kategoriyalarining qadriyat sifatidagi ijtimoy-ma’naviy mohiyatini tushuntirish;
- talabalarga kasbiy faoliyatni estetik idrok etish, o’zlashtirish va munosabat bildirishning ilmiy-amaliy yo’llarini o’rgatish.
Fan bo’yicha talabalarning bilimiga, ko’nikma va malakasiga qo’yiladigan talablar
«Soliq xizmatida kasb odobnomasi» fanini o’zlashtirish jarayonida amalga oshiriladigan masalalar doirasida bakalavr:
- «Soliq xizmatida kasb odobnomasi» fanining jamiyat ijtimoiy-ma’naviy hayotidagi o’rni, axloqiy tamoyillar, zamonaviy barkamol insonni voyaga yetkazishda etika fanining o’rni va ahamiyatini;
- «Soliq xizmatida kasb odobnomasi» fan sifatidagi mohiyati, uning kategorial apparati va rivojlanish qonuniyatlarini; uning nazariy masalalari va tarixiy-metodologik manbalarini; estetik dunyoqarashni yuksaltirishning fundamental asoslarini hamda kasb odobnomasi fanining jamiyat ma’naviy hayotidagi o’rnini bilishi kerak.
- soliq xizmati xodimlarining xizmat vazifalarini vijdonan va mas’uliyat bilan yondashishini, zarur ko’nikma va malakaga, odob axloq va boshqa umuminsoniy jihatlarga ega bo’lishini hamda fidoyilik, halollik va qatiyatlilikni kuchaytirishning yangi yo’nalishlari ilmiy nazariy asoslarini o’zlashtirish
- ta’lim oluvchilarda estetik dunyoqarashni yuksaltirish, estetik ma’naviyat va ijodiy fikrlarni shakllantirish, kasb odobnomasi fanini chuqurroq o’qitish, estetik tafakkur tarixini o’rganish va uni xolisona baholash; estetik tarbiya borasidagi umumiy qonuniyatlarini o’zlashtirish ko’nikmalariga ega bo’lishi kerak.
- estetik munosabatlar tizimidagi o’zgarishlar va funksional masalalarni qiyosiy tahlil qilish; estetik dunyoqarashni boyitish, axloqiy madaniyatni shakillantirish.