Soapstokning analizi

Soapstokning analizi
Soapstok o‘simlik moylarini rafinatsiya qilishda hosil bo‘lib, rafinatsiya jarayonining chiqindisi hisoblanadi. Soapstokning tarkibi qaysi o‘simlik moyini rafinatsiya qilishga va moyni sifatiga bog‘liq. Soapstokning tarkibida 35-40% yog‘ kislotalarining natriyli tuzi-sovun bo‘lishi bilan bir qatorda, 10-20% neytral yog‘, 3-5% fosfatidlar, 2-3% gossipol va uning hosilalari, suv, erkin ishqor va boshqa yog‘ga hamrox moddalar bo‘ladi. Paxta moyini rafinatsiya qilganda hosil bo‘lgan soapstokning tarkibi boshqa o‘simlik moylaridan hosil bo‘lgan soapstoklardan boshqacharoq bo‘ladi. Chunki paxta moyida fosfatidlar, erkin yog‘ kislotalari bilan bir qatorda rang beruvchi moddalar ya’ni gossipol va uning hosilalari bo‘ladi. Soapstokni sifati rafinatsiya sexi ish faoliyatining asosiy ko‘rsatgichlardan biri hisoblanadi. Soapstokda neytral yog‘ni miqdori kam bo‘lishi kerak, bu esa rafinatsiya sehida tozalangan yog‘ni nobudgorchiligini kamaytirishning asosiy omillaridan biridir.