Siyosatshunoslik yakuniy savol-javoblar Siyosat tushunchasi, mohiyati, siyosat obekti va subekti

3.Siyosatshunoslikning obyekti, predmeti,qonuniyatlari??

Siyosatshunoslik fani boshqa siyosiy fanlar kabi ma’lum bir qonuniyatlarni o‘rganadi. Ular, odatda, ikki guruhga bo‘lib o‘rganiladi.Birinchi guruhga mansub bo‘lgan qonuniyatlar u yo bu mamlakatning ichki siyosiy hayotida amal qiladigan qonuniyatlardan iborat. Masalan, ijtimoiy hayotni demokratlashtirish, hokimiyat taqsimoti mexanizmlaridan samarali foydalanish,siyosiy partiyalar o‘rtasidagisog‘lom raqobatni takomillashtirish, siyosiy boshqarish tamoyillaridan unumli foydalanish kabi ko‘plab qonuniyatlarni misol

keltirish mumkin.Ikkinchi guruhni xalqaro siyosiy munosabatlar jabhasida amal qiluvchi umumiy qonuniyatlar tashkil etadi. Bunday qonuniyatlarda turli davlatlar, turli xalqaro tashkilotlar, hududiy uyushmalar bilan siyosiy aloqada va hamkorlikni amalga oshirish, jahon xalqlarining tinch-totuv yashashi uchun olib borilgan sa’y-harakatlar, xalqaro nizo va kelishmovchiliklarni bartaraf etishda siyosiyvositalardan foydalanish, insoniyat oldida turgan dolzarb muammolarni hal

qilishda siyosatning serqirra san’atidan foydalanish nazarda tutiladi.

4 Siyosatshunoslikni tadqiqot uslublari va kategoriyalari? Javob quyidagicha:

Siyosatshunoslik jamiyat haqidagi fanlar sifatida ijtimoiy- siyosiy fanlar tizimida muhim o’rin tutadi hamda siyosatni o’rganishda o’ziga xosligi maqsad va vazifalari bilan ajralib turadi. U ham falsafa, iqtisodiy nazariya, sotsiologiya, etika, xuquqshunoslik, dinshunoslik va boshqa fanlar singari jamiyat hayoti, ijtimoiy munosabatlarni o’rganadi. Biroq siyosatshunoslik o’zining tadqiqot obyektiga ko’ra boshqa ijtimoiy fanlardan farq qiladi. Uning predmetini ijtimoiy, iqtisodiy, manaviy, huquqiy, ahloqiy, diniy sohalarning mohiyati va o’ziga hos muammolari emas, balki siyosiy sohaning tabiati va o’ziga xos muammolari, siyosiy hokimiyatning amalga oshirilishi bilan bog’liq munosabatlar tashkil etadi. U jamiyatda ijtimoiy tartibni, adolatni taminlovchi siyosiy institutlar haqidagi fandir.

Siyosatshunoslikning kategoriyalariga siyosat, siyosiy hokimiyat,siyosiy jarayonlar, siyosiy hayot, siyosiy munosabat, siyosiy faoliyat, siyosiy partiyalar, siyosiy tashkilotlar, siyosiy institutlar, siyosiy tizim, siyosiy ong va madaniyat, siyosiy qadriyatlar, xalqaro siyosiy munosabatlar, siyosiy qatnashuv, siyosiy begonalashuv, jahon siyosati, geopolitika va boshqalar kiradi.