Сиртқи бўлими “инвестиция ва инновациялар” фанидан

Узоқ муддатли молиявий инвестициялар - бу узоқ муомала муддатига эга (12 ойдан ортиқ) активларнинг сотиб олинишига оид инвестициялардир.
Қисқа муддатли молиявий инвестициялар - ўзида муомала муддати 12 ойдан ошмайдиган, енгил сотиладиган молиявий активларнинг харид қилинишига оид инвестициялардир.
Узоқ муддатли молиявий инвестицияларни ҳисобга олишнинг вазифалари қуйидагилардир:
- узоқ муддатли молиявий инвестицияларни ва улар бўйича олинган даромадларни ўз вақтида ва тўғри аниқлаш;
- узоқ муддатли молиявий инвестициялар учун ажратилган маблағларни ўз вақтида ҳисобдан чиқаришни таъминлаш;
- узоқ муддатли молиявий инвестицияларни ҳисобга олишда БҲМАларини кенг қўллаш;
- узоқ муддатли молиявий инвестициялардан олинган даромаднинг корхона молиявий натижаларида акс эттирилишини таъминлаш;
- узоқ муддатли молиявий инвестициялардан олинган даромадларнинг бюджетга тегишли қисмини амалдаги меъёрий ҳужжатларга, Солиқ Кодексининг талабига мувофиқ тўғри ҳисоблашни ташкил қилиш, бюджетга тегишли қисмини ўз вақтида ўтказишни таъминлаш;

• 
  узоқ муддатли молиявий инвестициялар ҳисобига келиб тушган маблағлардан корхонани кенгайтириш, ривожлантириш ва корхона жамоаси эҳтиёжи учун ишлатишни таъминлаш.
  

Узоқ муддатли молиявий инвестицияларни бухгалтерия ҳисобида ҳисобга олишни енгиллаштириш учун қуйидаги гуруҳларга ажратилади:

• 
  Қимматли қоғозлар;
  
• 
  Шўъба корхоналарига инвестициялар;
  
• 
  Қарам бирлашмаларга инвестициялар;
  
• 
  Қўшма корхоналарга инвестициялар;
  
• 
  Бошқа узоқ муддатли инвестициялар.
  

Қимматли қоғозлар узоқ муддатли инвестицияларнинг асосий қисмини ташкил этади. Иқтисодиётни эркинлаштириш шароитида қимматли қоғозлар инвестициялар йўналтиришнинг асосий воситаси ҳисобланади.
1993 йил 2 сентябрда қабул қилинган Ўзбекистон Республикасининг «Қимматли қоғозлар ва фонд биржалари тўғрисида»ги қонунига мувофиқ «қимматли қоғозлар - бу уларни чиқарган шахс билан уларнинг эгаси ўртасидаги мулкий ҳуқуқларни ёки қарз муносабатларини тасдиқловчи, дивиденд ёки фоиз кўринишида даромад тўлашни ҳамда ушбу ҳужжатлардан келиб чиқадиган ҳуқуқларни бошқа шахсга бериш имкониятини назарда тутувчи пул ҳужжатларидир». Юқорида қайд этилган қонунга кўра, қимматли қоғозларга:

• 
  акциялар;
  
• 
  облигациялар;
  
• 
  хазина мажбуриятлари;
  
• 
  депозит ва хазина сертификатлари;
  
• 
  векселлар;
  
• 
  ҳосилавий қимматли қоғозлар киради.