sinf o’qish IV chorak Mavzu: Tansihatlik tuman

Rivojlantiruvchi: O’quvchilarni og’zaki nutqini rivojlantirish.
Dars turi: O’tgan mavzuni mustahkamlash.Yangi bilim berish.
Metodi: Savol-javob, guruhlarda ishlash,aqliy hujum.
Jihozi: Mavzuga oid ko’rgazma,tarqatmalar, test savollari.
Darsning borishi.
I.Tashkiliy qism. a) Salomlashish b) davomotni aniqlash
d) ma’naviyat daqiqasini o’tkazish “Tejamkorlik ” ,mavzusida suhbat o’tkazish.
II. O’tgan mavzuni mustahkamlash. O’tgan darsdagi vazifa aniqlanib, vazifa tekshiriladi.
1. She’r nima haqida?
2. She’r kimning nomidan aytilgan?
3. Yomg‘ir tabiatga qanday ta’sir qilar ekan?
4. She’rning oxirgi bandini o‘qib, mazmunini tushuntiring.
III.Yangi mavzu bayoni Zilol suv hikoyasini o’qituvchi ifodali o’qib o’quvchilar diqqatini o’ziga jalb etadi.
Oyim nonushtadan so‘ng: – Dadang bog‘ aylanib, keraksiz narsalarga ko‘zi tushganmi: “O‘g‘lingga ayt, yo‘qotsin ularni”, – deb ishga ketdi, – dedi. – Xo‘p, yo‘qotaman, – deb oyimni xotirjam qildim. “Lash-lushlar”ni axlat mashinasi olib ketadigan joyga tashishga erindim. Anhor yaqin. Shundoqqina bog‘imiz etagiga tutash. Mana, qo‘limda opamning eski shippagi. Bir, ikki, uch! Anhorga g‘irillatdim. Bunisi botinka, “jag‘i” ochilib qolibdi. G‘irillatdim. Suvning bag‘ri keng. Qo‘limdan uchgan narsa borki, ishimni yengillatib, bag‘riga yashiraveradi. Eh, bo‘yoq bankasiga kelganda… Tepib yuborgandim, suvga yetmay, anhor bo‘yidagi chinorga qattiq urildi-yu, pachoqlandi. – Nima taraqlab ketdi, tinchlikmi, Tohir? – xavotirlanib ayvondan tushib keldi oyim. – Tinchlik… Shunday, o‘zim… Oyim atrofga qaradi. Hozirgina bog‘ni xira qilib turgan “lash-lush”lar yo‘q. Faqat chinor tagida bankacha qopti, xolos. – “Tashvish”dan osongina qutulibsan-da. Men dadil javob berdim: – Faqat menmi, oyijon? Boshqalar ham anhorga duch kelgan narsani otishadi-ku! – Birov o‘zini tomdan tashlasa, sen ham tashlayverasanmi? Dadang bilsami, naq ko‘rsatadi… – Dadamga aytmang, jo-o-on oyi. – Xo‘p, ammo boshqa bunaqa ish qilma.
Suv bebaho boylik ekanligi. Uni tejash va suvni bulg’amaslik haqida suhbat.
O’quvchilarni qiziqtirgan savollarga javob berish.