sinf o’qish IV chorak Mavzu: Tansihatlik tuman

2 – sinf o’qish IV chorak
1 Mavzu: Tansihatlik tuman - boylik
Sana___________
Maqsad: O’quvchilarga DTS talablarida asosida matndagi so’zlarni to’g’ri va ongli o’qishni o’rgatish.
Ta’limiy: O’quvchilarga o’rganilgan mavzuni kundalik hayotda qo’llay olishga o’rgatish.
Tarbiyaviy: O’quvchilarni badiiy adabiyotga hurmat ruhida tarbiyalash.
O`quv jarayoniga oid kompententsiya: TK2 o‘quv fanlarini o‘rganish va bir-biridan farqlash; TK2 mehnatsevarlik, to‘g‘rilik, hurmat qilish kabi sifatlarga ega bo‘lish;FK1 matnlarning mazmunini qisqartirib va darslikdagi rasm va illyustratsiyalarga qarab fikrini og‘zaki bayon qila oladi;
Rivojlantiruvchi: O’quvchilarni maktab haqidagi fikrlarini boyitish, rivojlantirish.
Dars turi: O’tgan mavzuni mustahkamlash.Yangi bilim berish.
Metodi: Savol-javob, guruhlarda ishlash,aqliy hujum.
Jihozi: Mavzuga oid ko’rgazma,tarqatmalar, test savollari.
Darsning borishi.
I.Tashkiliy qism. a) Salomlashish b) davomotni aniqlash
d) ma’naviyat daqiqasini o’tkazish “Yurtimda bahor fasli” ,mavzusida suhbat o’tkazish.
II. O’tgan mavzuni mustahkamlash. O’tgan darsdagi vazifa aniqlanib, vazifa tekshiriladi.
III.Yangi mavzu bayoni Ertak nima? Ushbu savolga o’quvchilar diqqatini jalb etish.

O’zbek xalq ertaklaridan biri bilan o’quvchilarni tanishtirish.
Tansihatlik tuman - boylik
O‘tgan zamonda bir qashshoq yigit donishmand cholning oldiga kelib: – Ota, yeyishga nonim, kiyishga kiyimim yo‘q, juda qiynaldim, nima qilishni bilmay qoldim. Endi qayerga borib dod desam ekan,– debdi. Chol: – Sen kambag‘almisan? – desa, u: – Ha, bola-chaqalarim va o‘zim ochman, kiyim-kechagimiz yo‘q, – deb zorlanibdi. Chol: – Xo‘p, bo‘lmasa, menga o‘ng qo‘lingni sot, necha pul beray, – desa, haligi yigit: – Yo‘q, o‘ng qo‘lim o‘zimga kerak, sotmayman, – debdi. Shunda chol: – Bo‘lmasa o‘ng ko‘zingni sot, – debdi. – Nega men o‘ng ko‘zimni sotar ekanman, u menga doimo kerak, –debdi yigit. Chol shu tarzda yigitning tana a’zolarini birma-bir sotgin, deb aytib chiqibdi. Yigit “Yo‘q” javobini qaytaravergach, chol unga: – Ha, butun tanang sog‘ bo‘lsa, turmushdan zorlanib nima qilasan? Kishining tan-joni sog‘ligi – tuman boyligi-ku. “Sog‘ tanda sog‘lom aql”, deb bekorga aytilmagan. Sog‘ bo‘lsang hamma ish qo‘lingdan keladi, kuning o‘tadi, – deb javob beribdi.