Сидиков абдулазиз абдуманоп ўҒЛИ

Тадқиқотнинг илмий янгилиги қуйидагилардан иборат:
натрий хлорати, карбамид, сульфат триэтаноламмоний, нитрат кислотасининг моно ва триэтаноламмонийли тузларидан иборат системаларда компонентларни ўзаро эрувчанлиги ва “таркиб-хосса” диаграммалари яратилган;
системаларда 3та янги бирикмаларни ҳосил бўлиш майдонлари концентрация ва ҳарорат оралиғида аниқланган, кимёвий, физик-кимёвий усулларда таҳлил қилиниб, мавжудлиги исботланган;
натрий хлорат монокарбамид, сульфат триэтаноламмоний, нитрат моно ва триэтаноламмонийлари асосида самарали дефолиантлар олиш технологияси ишлаб чиқилган;
олинган «НитроДеф» дефолиантининг таркиби кимёвий ва физик-кимёвий усулларда таҳлил қилинган, унга кўра «НитроДеф» препарати таркибида 38% NaClO₃, 21% CO(NH₂)₂ ва 3.4% Н-МЭА сақлаши аниқланган.
Тадқиқотнинг амалий натижалари. Натрий хлоратининг монокарбамиди ва нейтраллаш ёрдамида олинган нитрат моноэтаноламмоний ва сульфат триэтаноламмонийлар асосида янги физиологик фаолликка эга самарали дефолиантларни ишлаб чиқариш имконияти кўрсатилди;
Натрий хлорат монокарбамиди, нитрат моноэтаноламмоний ва сульфат триэтаноламмонийлар асосида янги таркибли дефолиант олиш жараёнинг моддий баланси тузилди, технологик схемаси таклиф этилди;
“Farg’onaazot” AЖнинг тажриба-саноат қурилмасида янги таркибли дефолиантларнинг 200 кг тажриба намуналари ишлаб чиқарилди;
Олинган дефолиантларни физик-кимёвий хоссалари ўрганилди хамда 2018-2020 йиллар давомида ғўзанинг кичик ва катта дала майдонларида агрокимёвий синовлардан ўтказилди;
«НитроДЕФ» дефолиантининг экологик-токсикологик тадқиқотлари ўтказилди ва препарат кам заҳарли дефолиантлар эканлиги, хавфлилик бўйича IV синфга мансуб эканлиги аниқланди.
Тадқиқот натижаларнинг ишончлилиги. Олинган натижаларнинг ишончлилиги замонавий таҳлил усулларидан фойдаланиб тасдиқланган. Лаборатория тажрибалари натижалари катталаштирилган лаборатория, тажриба-саноат, шунингдек агрокимё ва токсикологик текширувлар билан тасдиқланган.