Ўсиб келаётган ёш авлод жисмоний тарбияси ва спортда инновацион технологиялар

“Чизиқ бўйлаб” ўйини 
Ўйин тартиби. Ўйинда навбат билан 1 нафардан ўқувчи иштирок этади. Ерга дор каби 
чизиқ чизилади. Иштирокчи чизиқ устида туради. Кўзлари бойланади. У майда қадамлар билан 
чизиқ устида юриши керак. Агар ўқувчи чизиқ устидан охиригача адашмай юриб борса, ўйинда 
ютган ҳисобланади. 
Ўйин аҳамияти. Ўқувчиларда диққатни бир жойга жамлаш, машаққатли дамда ўзини 
йўқотмаслик, аниқ мўлжал олиш, тана мувозанатини ушлаб туриш, мутаносиб ҳаракатланиш 
кўникмаларини шакллантиради. 
Албатта, бу ўйинларни машғулотларга қизғин татбиқ этиш, аввало, ўқитувчининг 
маҳорати, тайёргарлигига боғлиқ. Шу боис, дарсга тайёрланишда у назарий ва амалий 
жиҳатларга, машғулотни ташкил қилиш услубиятига эътибор қаратиб, бу борадаги 
муаммоларни ҳал этиб олиши лозим. 
Бундан ташқари, ўқувчиларнинг фаолиятини ўзаро таққослаш орқали уларнинг 
имкониятларига баҳо бериш ўқитувчининг ўзи томонидан очиқ, ошкора эмас, балки ўзига хос 
воситалар орқали ташкил этилмоғи керак. Чунки амалий ҳаракатларни аъло даражада бажарган 
ўқувчиларда бошқаларга нисбатан ўзини устун қўйиш, кучига ортиқча баҳо бериш, манманлик 
аломатлари юзага чиқади. Ўқитувчи шу каби ҳолатларни олдиндан баҳолаши ва жисмоний 
имкониятлари бошқаларникига нисбатан устун ўқувчиларга одатдагидан кўра нисбатан 
мураккаброқ машқларни юклаши мумкин. 
Хулоса қилиб айтганда, ўқув-тарбия жараёнида халқ ўйинлари соғлом турмуш тарзини 
шакллантиришда асосий омилдир. Фарғона вилоятида ўйналадиган “Ғишт уриш”, “Тўхта, 
санайман”, “Чизиқ бўйлаб” ўйинларини қайси синф ёки қайси воҳа ҳамда ҳудуд бўлишидан 
қатъий назар, дарс ва дарсдан ташқари жисмоний тарбия машғулотларида ўйнаб, ўқувчилар 
ўртасида чаққонлик, аҳил-иноқлик, матонат, дўстлик ва энг муҳими, қатъият, ўзига ишончни
каби хислатларни шакллантириш мақсадга мувофиқдир. 
 

---