Sho'x-u shodon o'ynab yurgan ey shamol Menga samolardan xabar olib kel

Sho'x-u shodon o'ynab yurgan ey shamol
Menga samolardan xabar olib kel
Har kun oqshom payti so'rab hol-ahvol
Dard to'la ko'ksimni silab o'tar yel

Ey osmon, sen nega bunchalar mahzun

Ammo sir bermasdan turibsan mag'rur
Dardlarim bor senga uzundan uzun
Aytgani yo'l qo'ymas sira bu g'urur

Osmonlarda uchgan bir qush misoli

Parvoz qilgim kelar butun falakka
Meni mahzun qilgan baxtim timsoli
Yetgim kelar o'sha go'zal tilakka

Nafsim har neniki qilmagin orzu

Har kulfatga yechim bo'ladi sabr
Solib bu ko'nglimga turfa xil qayg'u
Mening ruhim uchun qazmagin qabr

Alloh tavfiq bersin mening holimga

Maqsadim ul go'zal maskanga yetmoq
Dunyo deb atalmish mash'um zolimga
Chap berib hayotim munavvar etmoq