Шошилинч педиатрия экстремал тиббиёт асослари билан

 
Гипогликемик кома

Гипогликемия ҳуружи инсулин билан даволашда юзага келиши мумкин. Шунинг учун 
даволашда иложи борича гипогиликемия хуружини юзага келтирмайдиган ҳолда олиб 
бориш керак бўлади.

Гипогликемияни кўп учрайдиган сабабларига — жисмоний зўриқиш, етарли 
бўлмаган овқатланиш, узоқ давом этувчи жисмоний ҳаракатни инсулин миқдорини 

---

220 
камайтирмасдан, овқатлиниш оралиғини узоқ бўлиши ѐки тўйиб овқатланмаслик,
инсулин дозасини билмаган ҳолда ошириб юбориш ва нотўғри инсулин давосини 
ўтказиш.

Қонда глюкоза миқдори кам ҳисобланади, агар уни миқдори озғин болаларда 2, 5 
ммоль/л ѐки 3, 0ммоль/л-ни ташкил қилса.

Бемор ва уни оила аъзолари бу касаллик белгиларини эрта аниқлашни билишлари ва 
беморга концентирланган қанд миқдори кўп бўлган озиқ-овқатларни беришлари керак. 
Кўп холларда беморни гипогликемия хуружини 10-20 гр глюкоза бериб бартараф 
этиш мумкин. 2 ѐшгача бўлган болаларда 5гр қанд беришни ўзи етарли. Уни таблетка 
шаклида (5гр), қанд, апелсин ѐки олма шарбати бериб олди олинади.

Агар қандли моддаларни оғиз орқали беришни иложи бўлмаса, унда қандни глюкоза 
холида 5-10 глюкоза вена ичига юборилиб, кейин секин, аста томувчи узоқ инфузион 
давони 10мг/кг/минутига қондаги қандни миқдорини кузатган ҳолда юборилади.
 
Буйрак касалликларидаги кома. 
Уремик кома. 
Уремия (гиперазотемия) – сурункали ѐки ўткир буйрак етишмовчилигида юзага 
келиши мумкин. Уремик комани юзага келиши биринчи навбатда қонда азотли 
моддаларни тўпланиб қолишидан ва бу билан боғлиқ ошиб борувчи организм 
заҳарлданиши ҳисобига содир бўлади. ЎБЕда азотемия нафақат буйракни пешоб ажралиш 
фолияти билан боғлиқ, балки организмда оқсилларни катаболизимини ошиши билан ҳам 
кечади. Шу билан бир қаторда қонда калий ва магнийни миқдорини ошиши кузатилади. 
Уремик кома секин аста ривожланиб, кома олди даври билан бошланади. Бунда 
бош оғриғи, тери қичиши, оғизда қуруқлик, чанқаш, кўнгил айнаш ва қусиш билан 
кечади. Аксарият болаларда бурун қонаши ва қон аралаш ичининг суюқ келиши 
кузатилади. Чиқараѐтган ҳавода сийдик ҳиди сезилади. Эс ҳуши секин аста сўниб бориб,
талвасалар ва нафасни бузилиши кузатилади.