Шошилинч педиатрия экстремал тиббиёт асослари билан

 
Назорат саволлари 
1.
Шок тавсифи 
2.
Шок таснифи 
3.
Болаларда шок ривожланиш сабаблари 
4.
Болаларда шокнинг ўзига хос кечиши 
5.
Болаларда шокнинг турли даврлари
6.
Госпитал босқичда боларда шокни баҳолаш тамойиллари 
7.
Қон кетиш таснифи 
8.
Ташқи қон кетишда шошилинч ѐрдам ва диагностика 
9.
Ички қон кетишда шошилинч ѐрдам ва диагностика. 
БОЛА ҲАЁТИГА ХАВФ СОЛУВЧИ ЮРАК АРИТМИЯЛАРИ 
 
Болаларда турли аритмиялар учраши мумкин, лекин улардан фақат баъзилари 
шошилинч тиббий аралашувни тақазо этади. Бу турдаги аритмиялар импульс ҳосил 
бўлиши ѐки ўтказилишининг бузилиши ҳисобига келиб чиқади.

Экстрасистолия ва тахиаритмиялар 
автоматизм кучайиши, қўзғалишнинг қайта 
кириши ѐки триггер фаоллик ҳисобига импульс ҳосил бўлишининг бузилишидан келиб 
чиқади.

Брадиаритмиялар 
автоматизм сўниши ѐки импульс блокадасида юзага келади.
Аритмиялар юрак касалликлари, метаболик бузилишлар ѐки орттирилган тизимли 
касалликлар белгиси сифатида намоѐн бўлиши мумкин.

---

67 
Шошилинч ҳолат сабаби турлича бўлиб, уларга хос ритм бузилиши гемодинамик 
бузилишларга олиб келиши мумкин. Шунинг учун ритмни аниқлаш ва унинг 
бузилишларини бартараф этишга асосланган шошилинч ѐрдам устунроқ ҳисобланади.
Юқорида санаб ўтилган тамойилларга асосланган шошилинч ѐрдам кўрсатиш 
умумий алгоритми қуйидаги кетма-кетликда амалга оширилади: 
Бирламчи ABCD баҳолаш («С» қадамда – беморни кардиомониторга улаш) 
Иккиламчи ABCD баҳолаш («С» қадамда – ритмни қайта баҳолаш ва беморни 
гемодинамик стабиллигини баҳолаш, «D» қадамда дефибрилляция, кардиоверсия,
антиаритмик дори воситаларини қўллаш ѐки инфузия ўтказилади). 
Анамнез ва физикал кўрувга асосланган ҳолда сабабларини аниқлаш.
Шошилинч ѐрдамга муҳтож аритмиялар 3 гуруҳга бўлинади: 

Летал аритмиялар 

Турғун ва нотурғун тахиаритмиялар 

Кардио-респиратор белгилар билан кечувчи брадиаритмиялар