Sho‘rchi tuman bo’limiga qarashli 14-umumiy o’rta ta’lim

Sho‘rchi tuman bo’limiga qarashli
14-umumiy o’rta ta’lim maktabining
Boshlang`ich sinf o`qituvchisi
Abdurahmonova Muslimaning
1-sinf uchun Tabiiy fanlaridan


“HARAKAT”


deb nomlangan bir soatlik dars ishlanmasi
Sana: “__” _________ 2022-yil. Sinf: 1- ‟______”.
MAVZU: HARAKAT.
Darsning maqsadi:
Ta’limiy: Oʻquvchilar Nima qilyapti? Nima qiladi? Qanday qiladi? Qachon qiladi? Qayerda qiladi? kabi savollarga javob boʻluvchi harakat yoki holatni ifodalash jarayonida mavzuning atroflicha dastlabki tushunchalarini bilib olishadi. Bevosita oʻzlarining kundalik hayot tarzlarini shunchaki kuzatishi ham harakat ekanligini anglay olishadi. Jismlarning harakati haqida aniq tasavvurlar paydo boʻladi. Harakat qachon, qanday va nima uchun boʻlishi haqida fikrlaydilar.
Tarbiyaviy: Har bir jism harakatining aniq bir maqsadi va qonun- qoidasi mavjudligini, tartibli harakat va holat natijasida jamiyat taraqqiyotidagi muvozanat barqaror va tinch-osuda boʻlishini, har qanday inson harakatining atrof-muhitga, jamiyatga salbiy yoki ijobiy ta’sir qilishini, ayniqsa harakatdagi aniq bir tartib va axloqiy normalar muhim ekanligini oʻrganadilar. Mavzuni ravon gapirib berish asnosida ham tartibli, ketma-ket muomala madaniyatiga xos soʻzlash harakatiga rioya qilishga oʻrganadilar.
Rivojlantiruvchi: Oʻquvchilar turli jonzotlarning qanday harakat qilishi va turli jismlarning qanday kuch ta’sirida harakat qilishi jarayoni haqida ham tafakkur qilishga harakat qiladilar.
Darsning turi: Yangi bilim beruvchi.
Darsning jihozlanishi: Oʻquvchilar uchun amaliy oʻz harakatlari va holatlarini kuzatish bilan birga sinf xonasida mavjud predmetlarga ta’sir qilish bilan yuzaga keladigan harakat yoki holatlar haqida misollar koʻrib chiqish, harakatga oid turli suratlardan foydalanish va harakat hodisalariga doir qisqacha videorolik qoʻyib beriladi.