Shohjahon normurodov

FE’LNING MA’NOVIY GURUHLARI
Fe’llar qanday harakat-holatni ifodalashiga ko‘ra nutqiy faoliyat fe’llari, aqliy faoliyat
fe’llari, jismoniy faoliyat fe’llari, holat fe’llari kabi ma’no guruhlariga ajraladi.

1. 
   NUTQIY FAOLIYAT FE’LLARI: gapirmoq, pichirlamoq, demoq, so‘zlamoq, so‘ramoq, yalinmoq, o‘tinmoq, yolvormoq, vaysamoq, suroshtirmoq, baqirmoq,o‘shqirmoq, ming‘irlamoq, to‘ng‘illamoq, aytmoq va b.
   
2. 
   AQLIY FAOLIYAT FE’LLARI: o‘ylamoq, fikrlamoq, xayol qilmoq, tasavvur qilmoq, hukm chiqarmoq, o‘yga botmoq, gavdalantirmoq va b.
   
3. 
   JISMONIY FAOLIYAT FE’LLARI: chizmoq, yozmoq, yasamoq, qurmoq, yaratmoq, bino qilmoq, asos solmoq, bo‘yamoq, tozalamoq, yig‘moq, yemoq, artmo q, sayqal bermoq, o‘chirmoq, nobud qilmoq va b.
   
4. 
   HOLAT FE’LLARI: titramoq, jovdiramoq, sevinmoq, jilmaymoq, jonlanmoq va b.
   

Berilgan fe’llarni quyida ko‘rsatilgan ma’no guruhlariga ajrating.
Gapirmoq, pichirlamoq, yozmoq, o‘qimoq, ijod qilmoq, kesmoq, ekmoq, termoq, yurmoq, yugurmoq, qaramoq, nazar tashlamoq, boqmoq, isitmalamoq. Chaqirmoq, qimirlatmoq, fahmlamoq,xo‘rsinmoq, kiyintirmoq, o‘rtoqlashmoq, sevinib ketmoq, tushuntirmoq, fikrlamoq, kutmoq, jilmaymoq, burilmoq, ko‘tarmoq, ovqatlanmoq, g‘izillamoq, tekislamoq, parvarishlamoq, duduqlanmoq.
1)Nutqiy faoliyat fe’llari
2)Aqliy faoliyat fe’llari
3)Jismoniy faoliyat fe’llari
4)Holat fe’llari
13-DARS FE’LLARNING MUNOSABAT SHAKLLARI
Fe’l asoslariga qo‘shilib, gapda kesim vazifasida qo‘llanilishiga xoslovchi shakllar fe’llarning munosabat shakllari hisoblanadi.
Fe’llarning zamon, mayl, shaxs-son qo‘shimchalari munosabat shakllari sanaladi. Bu shakllarga ega bo‘lgan har qanday fe’l gapda kesim vazifasida keladi. Yuqoridagi ma’no va shakllardan xoli bo‘lgan fe’l asosi fe’lning noaniq shakli hisoblanadi va bu shakl -moq qo‘shimchasi yordamida ifodalanadi.