Shohjahon normurodov

Maqsad ravishi: atay, atayin, ataylab, azza­bazza, jo`rttaga, qasddan.
Sabab ravishi: noiloj, noilojlikdan, bekordan­bekorga, chor­nochor.
Sifat kabi ravishni ham ma’no turiga ajratish nisbiy. Chunki ko`chma ma’noda qo`llangan ravish bir ma’no turidan boshqasiga o`tib ketadi: Ishxonamiz yaqinda joylashgan – o`rin ravishi. Yaqinda qishloqqa boraman – payt ravishi. Partalarni nari­beri surdik — o`rin ravishi. U nari­beri dars qildi — holat ravishi.
TOPSHIRIQ-1 Ravishlarning tagiga chizing!!!
1. Shunda bechora sayyor iltimos qilmish darrov, Vasiyatimni aytay, agar bo‘lsa bemalol. (Shukrullo) 2. U bexosdan kelib, yigitni belidan oldi-da, chirpirak qilib uloqtirib yubordi, yigit ancha yergacha gandiraklab borib tizzalab qoldi. (Mirkarim Osim) 3. Elchi hozir o‘z podshohining topshirig‘ini bajaris uchun butun ayyorligini ishga solar, tilyog‘lamalik qilib, To‘marisni maqtab, ko‘klarga ko‘tarar edi. (Mirkarim Osim)
4. O‘g‘illari suyunib, safar tayyorgarligini ko‘rishib, erta saharda otlanib yo‘lga tushibdilar. (Ertakdan) 5. Ba’zan Hasanni ham birga olib ketadi. (O. Husanov) 6. Shu vaqt nima uchundir hamma birdan sharaqlab kulib yubordi. (Abdulla Qodiriy) 7. Ertaga o‘rtoqlarimga toza maqtanadigan bo‘ldim-da. (G‘afur G‘ulom) 8. Tinib-tinchimas bu chol umr bo‘yi o‘z loyihalarini, chizmalarini Ma’suma bekaga gaðirib keldi, aslida u uning loyiha-yu chizmalariga aslo tushunmasdi. (Mirmuhsin) 9. Vladimir janoblari Namoz Pirimqul o‘g‘li ishini qabul qilib olganiga bir hafta bo‘lgan bo‘lsa ham uni darrov tergovga chaqirmadi. (X. To‘xtaboyev)
TOPSHRIQ-2. Ravishlarni aniqlab, ularning qaysi turga mansubligini ayting.
1. Men har kuni bir necha marotaba o‘zimni o‘zim tergayman, maslahatlarim yetarlicha samimiymikin? Do‘stlarimga yetarlicha sadoqatlimanmi? (Konfutsiy) 2. Ho‘kiz kechqurun qorni ochib, charchab kelsa, uning oldiga bir bog‘ quruq poyani tashlab qo‘yar ekan. («Susambil») 3. — Xafa bo‘lma, o‘g‘lim,— dedi Davronov asta boshini ko‘tarib. (Parda Tursun) 4. Ertalabtursa, ko‘cha eshik lang ochiq, yong‘oqqa bog‘loqlik sigir yo‘q. (O‘. Hoshimov) 5. Bayramga taraddud hozirdanoq qizib ketdi. (O‘. Hoshimov)