Shodiyeva Shohistaning Bobur ruboiylarida g’urbat motivlari

Mavzuning ilmiy yangiligi. Tadqiqotda Bobur hayoti va ijodiga qisqacha to’xtalinadi, she’riyati va unda qo’llangan badiiy san’atlar yaxlit, ko’lamli tekshiriladi; shoir ruboiylarining mavzu ko’lami va mazmunini mufassal tahlil etishga, tugal ilmiy bahosini berishga harakat qilinadi. Tadqiqot, asosan, birlamchi manbalardan foydalanish, Bobur she’riyati, xususan, ruboiylari doirasida olib boriladi. Mavzu doirasida qat’iy cheklanib qolmay, ya’ni Bobur ruboiylarigina alohida ajratib olinmay, shoirning g’oyaviy-badiiy olami, uning tarixiy davri va adabiy muhiti haqida ma’lumot beruvchi o’z asarlari, boshqa shoir va tarixchilarning tazkira, solnoma, maqolalarini taqqoslab tadqiq etish asosida yuzaga chiqarildi. Bu usul mazkur adabiy muhit, undagi ijodiy jarayon, shoirning ijodiy takomili haqida nodir dalil va lavhalar topish, ishonarli xulosalar chiqarish imkonini beradi.
Tadqiqotning maqsad va vazifalari Zahiriddin Muhammad Boburning she’riyatini, xususan, uning ruboiylarini keng ko’lamli tadqiq etishdir. Bobur nazmining g’oya va mavzu xususiyatlarini o’rganish, badiiy mahorat miqyoslarini belgilash, shuningdek, shoirning adib sifatidagi qiyofasini, badiiy dunyosini yorqin namoyish etish ishning zimmasidagi asosiy vazifalardandir.
Tadqiqotning metodologik asosini Prezidentimiz I.A.Karimovning milliy g’oya va mustaqillik mafkurasiga oid qarashlari, adabiyotshunos olimlardan A.Abdug’afurov, I.Haqqulov, V.Rahmonov, N.Jumaxo’ja, E.Ochilov va boshqalarning ilmiy-nazariy fikrlari tashkil etadi.
Ishning ilmiy- amaliy ahamiyati. Boburning ijodini xolisona va izchil tadqiq etish adabiyot tarixi fani rivojiga hissa qo’shishi, hatto muhim nazariy umumlashmalarga asos bo’lishi, oliy o’quv yurtlarida O’zbek mumtoz adabiyoti tarixi fanidan ma’ruza va amaliy mashg’ulotlar o’tishda foydalanish mumkin.
Tadqiqotning tuzilishi. Ish Kirish, ikki asosiy bob, to’rt fasl, umumiy xulosalar va foydalanilgan adabiyotlar ro’yxatidan iborat.


I BOB.Bobur o’zbek mumtoz adabiyotining buyuk namoyandasi.