She’riyat kiyik so ‘qmoq ekan achilova Zuxra Qurbonovna Qashqadaryo viloyati Shaharisabz shahar Xalq ta’limi tasarrufidagi

SHE’RIYAT KIYIK SO ‘QMOQ EKAN


Achilova Zuxra Qurbonovna
Qashqadaryo viloyati Shaharisabz shahar
Xalq ta’limi tasarrufidagi
12- umumiy o ‘rta ta’lim maktabning
ona tili va adabiyot fani o ‘qituvchisi

Borliqning har bir yaratilishida she’r mavjud. Odam Ato va Momo Havo davridan she’rga mubtalolik bashariyatga meros qilingan. She’riyat ongga tafakkur , qalbga nafis tuyg ‘ular bag ‘ishlaydi. She’riyat – murabbiy. Chunki u orqali tabiatga, vatanga, dunyoga, odamlarga bo ‘lgan muhabbat, e’tiborini, shafqatini, mehrini, umuman jamiki ezgu fazilatlarini anglaymiz. Ana shu xislatlarga ruhiyatimizni boyitamiz.

Gapni bejiz she’riyatga taqamadik. She’riyat tilsimini elimizning suyukli shoirlaridan Muhammad Yusuf ijodi orqali ya’ni “Muhammad Yusufchasi”ga xalqona sodda yo ‘l bilan tushunmoqqa jazm etdik.
She’riyat bu qadim buyuk
So ‘qmoq ekan
Kiyik so ‘qmoq ekan, kiyik
So ‘qmoq ekan
She’riyatning buyuk qadimiy so ‘qmog ‘iga qadam qo ‘yishiga har kimning haddi sig ‘maydi. Uning kiyik so ‘qmog ‘idan tymasdan yura olish she’rparast dilni cho ‘chitmaydi, aksincha unga hayrat, jo ‘shqinlik uchun kuch beradi.
Shirin azob ekan, jonni
Yoqmoq ekan.
Bir qo ‘lda gul, bir
Qo’lingda chaqmoq ekan.
She’riyatning zalvorli yuki bor deyihadi. O ‘sha yuk she’r azobi. Goh gul, goh chaqmoq bo ‘lib tovlanadigan she’riyatning shirin og ‘riqlarini jonni hissiyot va so ‘z gulxanida yoqib topmoq mumkinligini tushunamiz.
Yuragim-ey boshlab
Kelding meni qayga?
Bag ‘rim o ‘xshar pora-pora
Bo ‘lgan nayga.
She’r dardiga yo ‘liqqan odam doim uning izmida bo ‘ladi. Bag ‘ri pora-pora nay qiyofasida hasrat qilsa-da…
Ko ‘nglim sezar bu so ‘qmoqdan
O ‘tolmayman
Qaytib ketay desam
Qaytib ketolmayman
Shoirning bu so ‘qmoq sinovidan orqaga qaytish dushvorligi, she’riyatdan voz kecholmasligi ayon bo ‘ladi.
Chaqir toshlar tovonimdan
Tishlab olgan
Qo ‘llarimdan kiyikchalar
Ushlab olgan.
She’riyatning chaqir toshlari shoirning “qalb tovoni”ga rohat beradi, ilohiy “kiyikchalar” unga she’rsiz yashab bo lmasligini uqtirishgandek guyo.