Shaxsiy konstitutsiya

---

Shaxsiy konstitutsiya
Hayotiy qoidalaringizni bitta ro’yxat sifatida yozib olish muhim ahamiyatga ega. 
Qoidalar ro’yxatini umr bo’yi, davomiy ravishda to’ldirib borish kerak. 
Qoidalarni qadriyatlaringiz va maqsadlaringizdan kelib chiqib tuzasiz. Ushbu 
ro’yxatingizga qoidalardan tashqari turli faktlar va g’oyalarni kiritishingiz ham 
mumkin.
Shaxsiy qoidalar ro’yxati nimalarga asoslangan bo’lishi zarur? 
1.
Qonunlarga mos – Bu degani sizning har bir qoidangiz tabiat qonunlari, 
davlatingiz konstitutsiyasida keltirilgan qonunlar, insoniylik qonunlari, 
axloqiy qonunlar, diningizdagi qonunlar va umumjahon qabul qilingan 
qonunlarga mos tushishi zarur. Aks holda sizning qonunlaringiz va sizga 
bevosita va bilvosita ta’sir o’tkaza oladigan qonunlar o’rtasida 
kelishmovchilik yuzaga kelishi, buning oqibatida har ikki tomon (ayniqsa 
siz) zarar ko’rishingiz mumkin.
Misol: Baribir bir kun o’lasan. Bu hodisa bugun sodir bo’lishi ham mumkin. 
Unutma! 
2.
Qadriyatlaringizga mos – Ya’ni sizning shaxs sifatida shakllanishingizga 
ta’sir qilgan qadriyatlarga mos bo’lishi kerak. Bu bo’lishi mumkin sizning 
oilaviy qadriyatlaringiz, qarindoshlar o’rtasidagi munosabatdagi qadriyatlar, 
tarbiyaviy qadriyatlar va hokazo. 
Misol: Ota-onangga baland ovozda gapirma! 
3.
Foyda keltiradigan – Sizning shaxsiy qonunlaringiz sizga foyda olib kelmasa 
demak u noto’g’ri qo’yilgan qonun bo’ladi. Ya’ni siz har bir prinsipingiz 
orqali ma’nan yoki moddiy jihatdan foyda olishingiz kerak. Siz bu 
qoidalarga amal qilish orqali shaxs sifatida va moliyaviy jihatdan 
ko’tarilishga erisha olishingiz zarur. 
Misol: Doimiy ravishda kitob o’qi! 

---

4.
Obyektiv faktlar bilan bog’langan – Bu degani sizning qoidalaringiz tabiat 
qonunlariga, asosli faktlarga to’g’ri kelishi kerak. Agar sizning 
qonunlaringiz orasida “uchish” haqida qoida bo’lsa, bu ahmoqlikning 
o’zginasi. Avvalo o’z imkoniyatlaringiz chegarasini yaxshilab o’rganib 
chiqing va so’ngra shunga asoslangan holda o’z qonunlaringizni tuzing. 
Misol: Samolyotdan parashyutsiz sakrama! 
Shaxsiy qoidalar ro'yxatini tuzish algoritmi: 
1.
Qoidalarni yozib olishga manba toping – Siz bunda kundalikdan 
foydalangan holda qo’lda yozishingiz mumkin, yoki telefoningizga yozib 
yursangiz ham bo’ladi. Telefonda foydalanish uchun ikkita qulay dastur ham 
mavjud. 
Bular 
Notion 
va 
Obsidian. 
Dasturlar 
orqali 
shaxsiy 
konstitutsiyangizni tuzishingiz bilan birga Zettelkasten usulidan foydalanish 
uchun ham qo’llashingiz mumkin. 
2.
Xayolingizga birinchi kelgan qoidalarni yozib oling – Birinchi marta shaxsiy 
konstitutsiyangizni tuzganingizda avvaliga ko’pgina qoidalar kiritasiz. 
Keyinchalik esa ularni amaliyotda qo’llab, foyda bermaganlarini olib 
tashlash va yana yangi qoidalarni hayot davomida qo’shib borish orqali 
sayqallaysiz. Vaqt o’tgan sari bu qoidalar ro’yxati sizning shaxsiyatingizni 
ochib beradigan kitobga aylanadi. 
3.
Qoidalarni har kuni takrorlang – Har kuni o’z qoidalar ro’yxatingizni 
ko’zdan kechirish orqali ularni amaliyotda qo’llashingiz va yanada 
mukammallashtirishingiz osonlashadi. Shu tariqa ularni avtomatik tarzda 
ishlatishni boshlaysiz. 

---

Shaxsiy konstitutsiya 
 
1.
__________________________________________________________ 
2.
__________________________________________________________ 
3.
__________________________________________________________ 
4.
__________________________________________________________ 
5.
__________________________________________________________ 
6.
__________________________________________________________ 
7.
__________________________________________________________ 
8.
__________________________________________________________ 
9.
__________________________________________________________ 
10. _________________________________________________________ 
11. _________________________________________________________ 
12. _________________________________________________________ 
13. _________________________________________________________ 
14. _________________________________________________________ 
15. _________________________________________________________ 
16. _________________________________________________________ 
17. _________________________________________________________ 
18. _________________________________________________________ 
19. _________________________________________________________ 
20. _________________________________________________________ 
21. _________________________________________________________ 
22. _________________________________________________________ 
23. _________________________________________________________ 
24. _________________________________________________________ 
25. _________________________________________________________