Shaxsiy hujjat matnlarining lеksik-uslubiy xususiyatlari

ILТIMOS ХAТ.
Muassasalar ma’lum bir ishni amalga oshirish yoki tugatish maqsadida boshqa muassasalarga rasmiy xat orqali iltimos qilishi mumkin. Muassasalar o‘rtasidagi bunday o‘zaro yozishmalar iltimos xat vositasida bajariladi. Iltimos xat xizmat xatlari orasida eng ko‘p tarqalgan turlardan hisoblanadi. Iltimos xatlar ham boshqa xatlar kabi muassasalarning xos ish qog‘oziga yoziladi va albatta jo‘natilish sanasi va jo‘natma tartib raqami ko‘rsatiladi. Iltimos xatlarning asosiy zaruriy qismlari:

1. 
   Хat oluvchi tashkilot va mansabdor shaxsning nomi.
   
2. 
   Matn.
   
3. 
   Ilova (zarur bo‘lgan hollarda).
   
4. 
   Mas’ul shaxsning imzosi.
   

Iltimos xatlarning eng sodda ko‘rinishi shaxsiy va jamoat arizalariga o‘xshash bo‘ladi.

Informatika kafedrasining mudiri K. Raximovga

Birlashmamiz muhandis-mexanigi O. Salimovni hisoblash texnikasi bo‘yicha malaka oshirish maqsadida 2 oy muddatga (1990. 15. 01. dan 1990. 15. 03. gacha) tajriba o‘tashga qabul qilishingizni so‘raymiz.

Тoshkent elektr-ro‘zg‘or buyumlari ishlab chiqarish
birlashmasining bosh direktori o‘rinbosari

(imzo) U. Shokirov

Termiz muhandislik-texnologiya instituti rahbaryati
Termiz muhandislik-texnologiya instituti tillar kafedrasi mudiri hurmatli Sakbayeva Vitaliya ! Institutimiz yoshlarini yozgi amaliyoti uchun chet elga chiqayotganligi munosabati bilan o‘tkazilayotgan uchrashuvga malakali va tajrbali tilchi o‘qituvchi bilan ta’minlab berishingizni iltimos qilib qolamiz .
Institut xalqoro bo‘lim boshlig‘i

(imzo) Sh.Chorshanbiyev

Agar xat matni 3-shaxs tilidan bayon qilinsa, iltimos birmuncha rasmiy tusga ega bo‘ladi.

Hamza nomidagi O‘zbek davlat akademik drama teatri direktor» S. Devonovga «Malika» trikotaj ishlab chiqarish birlashmasi ma’muriyati va kasaba uyushmasi tashkiloti teatringizda 16 yanvar soat 19 da namoyish etiladigan «Kelinlar qo‘zg‘oloni» spektakliga kollektivimiz xodimlari uchun 45 (qirq beshta) bilet ajratishingizni so‘raydi. Bilet qiymati naqd to‘lanadi.
Birlashma kasaba
uyushmasi tashkiloti raisi

(imzo) B. Shoumarov

Axborot yoki hujjatlar yuborishni so‘rab yozilgan so‘rov xatlarga javob ko‘pincha ilova xat xarakterida bo‘lib, ularning matni quyidagicha tuzilishi mumkin

: Sizning 1990. 12. 01. dagi 146-rakamli xatingizga javoban 23 betdan iborat korxonani qayta jihozlash loyihasini jo‘natayapmiz.

1990. 25. 12. dagi A—2—12 raqamli so‘rov xatingizga binoan ta’mirlash uchun tuzilgan smetani (7 bet, 2 nusxada) yo‘llaymiz. Mazkur hujjatning imzolangan va muhr bilan tasdiqlangan bir nusxasini bizning adresimizga yuborishngizni so‘raymiz.

Hisobotlarning barcha shakllari, odatda, yuqori tashkilotlarga ilova xatlar orqali jo‘natiladi. Ushbu xatlar matni juda qisqa va aniq bo‘ladi:
Sizga «Chevar» tikuvchilik ishlab chiqarish birlashmasining 1999 yil uchun yillik hisobotini yo‘llaymiz.
Ilova: 1. Birlashmaning yillik hisoboti (18 bet) .
2. Birlashmada 1999 yilda ishlab chiqarilgan mahsulot turlarining qisqacha ro‘yxati (4 bet)
3. Raqamli hisobot (1 bet)