Sharq mamlakatlari iqtisodiyoti, siyosati va turizm

O’ZBEKISTON RESPUBLIKASINING OLIY VA O’RTA MAXSUS TA’LIM VAZIRLIGI TOSHKENT DAVLAT SHARQSHUNOSLIK UNIVERSITETI “SHARQ MAMLAKATLARI IQTISODIYOTI, SIYOSATI VA TURIZM” FAKULTETI “TASHQI IQTISODIY FAOLIYAT VA TURIZM” KAFEDRASI

“ISLOM-BANK MOLIYA TIZIMI ” FANIDAN

1. 
   kurs magistranti Ismoyilov Bahtiyor Ulug’bek o’g’lining
   

“Такофул (суғурта)нинг асосий қоидалари”
mavzusida


REFERATI

Qabul qildi: professor Abdullayev R.V

Toshkent 2021
Режа
Кириш

1. 
   Такофулнинг таърифлари
   
2. 
   Ислом суғурта тизимини ташкил қилиш масаласи
   
3. 
   Ислом суғуртаси бошқарувининг амалга оширилиши
   
4. 
   Xulosa
   

Кириш
Сир эмаски, кўпчилик қандай йўл билан бўлмасин бойлик орттириш ҳаракатида бўлади. Ва афсуски, буни қинғир йўллар билан бўлса ҳам амалга оширишга ҳаракат қилади.Бойлик/пул бу мақсадга эришиш воситаси холос, мақсаднинг ўзи эмас. Жуда озчилик камига қаноат қилади, лекин кўпчилик борига шукр/сабр қилмайди.
Ислом ақидасига кўра бойлик Аллоҳ томонидан берилган туҳфа ҳисобланади ва инсонлар Аллоҳнинг ердаги бойликларини тасарруф этувчи вакиллари ҳисобланишади.Бу бойликлар ақл билан ишлатилиши, бекор турмаслиги, исроф ва яксон қилинмаслиги лозим
Қуръони каримда барча нарса, шу жумладан пул ҳам Аллоҳнинг мулки эканлиги таъкидланади.Аллоҳ таоло одамларнинг қўлидаги бойликларни Ўзининг мулки сифатида таърифлайди.
Ислом суғуртаси турли шаклларда амалга оширилиши мумкин, жумладан такафул, вақф, ўзаро ёрдам жамғармалари ва ўзаро суғурта кўринишида. Мисол учун, “такафул” арабча сўз бўлиб “ўзаро кафолатлаш” маъносини билдиради ва Ўзбекистон қонунчилигида кўзда тутилган, фуқаро ва ташкилотлар томонидан муайян пул маблағларини бирлаштириш йўли билан, амалга оширилиши мумкин бўлган икки томонлама суғуртага мос келади. Ушбу суғурта тури айрим мамлакатларда вақф кўринишида ҳам қўлланиб келинмоқда. Бундан, молиявий маҳсулот ёки тизимнинг нафақат номига балки унинг шакли ва тамойилларига ҳам эътибор қаратиш муҳимлигини англашимиз мумкин.


1.ТАКОФУЛНИНГ ТАЪРИФЛАРИ
Инсонларнинг барча турдаги фаолиятлари кўзда тутилмаган воқеа-ҳодисалар сабаб вужудга келадиган турли йўқотишлар, зарарга учраш хавф-хатаридан ҳоли эмас. Якка шахслар ва компаниялар ҳар доим кутилмаган ҳолатлардан ўзларини муҳофаза этишга уринишлари нафақат табиий ҳолат сифатида, балки шариатга мувофиқ бўлган жараён деб қаралади.