Sharof rashidov nomidagi samarqand davlat universiteti psixologiya nazariyasi va amaliyoti kafedrasi

dissertatsiyasining metodologik asosini O’zbekiston Respublikasi Prezidentining “2017-2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi”, O‘zbekiston Respublikasi Vazirlar Mahkamasining 2019 yil. 472-son "Psixologiya sohasida kadrlarni tayyorlash tizimini yanada takomillashtirish va jamiyatda huquqbuzarliklarning oldini olish chora-tadbirlari to‘g‘risida"gi qarori, O‘zbekiston Respublikasi Vazirlar Mahkamasining “O‘quvchilarni psixologik-pedagogik qo‘llab-quvvatlash ishlarini yanada takomillashtirish to‘g‘risida”, 2019 yil 7 iyuldagi 577-son qarori, shuningdek so’rovnomalarni modifikatsiya qilishga oid bizning ishimizda metodologik asos bo’lib xizmat qildi.
Magistrlik dissertatsiyasining ilmiy yangiligi: Shaxs so’rovnomasining o’zbek mahalliy muhitiga moslashtirilgan shakli ishlab chiqiladi.
V.M.Melnikov va L.T. Yampolskiylarning “pixodiagnostik test” so’rovnomasi foydalanuvchilarning so’rovnomalarni moslashtirish va javoblarning qayta ishlash tizimini takomillashtirish bilan bog’liq faoliyatlarini samarali tashkil etishga doir tavsiyalar ishlab chiqiladi.
Magistrlik dissertatsiyasining nazariy va amaliy ahamiyati. Tadqiqot natijalarining nazariy ahamiyati shundaki, ishdan olingan ilmiy natijalardan psixodiagnostika, testologiya, eksperimental psixologiya, shaxs psixologiyasi, amaliy psixologiya hamda boshqa mazkur muammoni o‘rganuvchi fan sohalariga oid mavjud nazariy bilimlarni yanada boyitishda, ularning dasturlarini ishlab chiqish va takomillashtirishda keng foydalanish mumkinligidadir.
Ishning amaliy ahamiyati shundaki, psixodiagnostikada mavjud sanalgan shaxs so‘rovnomalari bilan ishlashga o‘rgatish jarayonida, shaxs so‘rovnomalarini psixodiagnostik jihatdan baholay olish va uni amaliyotda qo‘llay olishga imkon beruvchi shaxsni tashxizlashda, tibbiyot-psixologiyada bemorlarga tashxiz qo’yishda, amaliyotchi psixologlar va psixologik-konsultativ markazlari mutaxassislari o’z faoliyatida shaxsga tashxiz qo’yishda foydalanish mumkin.