Shamol ortidan yugurib

Holid Husayniy ning “Shamol ortidan yugurib” asariga

Taqriz

Bu asar 21-asrning bestseller asarlari qatoriga qo’shildi. Bir qarashda asar nomi ham oddiydek tuyuladi. Lekin bu yerda behuda narsalar ortidan quvib o’ziga kerakli narsalarni yo’qotish nazarda tutilgandek. Ushbu romandagi voqealar yozuvchi tomonidan huddi tarix sanalari asosida Avfg’oniston haqida hikoya qilgandek tuyuladi. Ammo undagi personajlar, sujetlar va voqealar ko’proq reallikka asoslanganligi uning ta’sir darajasini sezilarli darajada oshirgan. Har bir qahramon timsolida katta ma’noni ochib berishga harakat qilgan. Amir yagona erkatoy anchagina xudbin bo’lishiga qaramasdan kerakli vaziyatda yaxshilik qila olishi, Hasan o’z yaqinlari uchun jonini fido qila oladigan sodiq mard inson. Bobo men uchun bu timsol o’z farzandining yorqin kelajagi uchun o’z vatanidan o’tmishidan voz kechgan,bir so’z bilan aytganda farzandi uchun o’zini fido qilgan ota misolida gavdalanadi.Asef bu obraz misolida yozuvchi (uning Gitler qilgan ishlarini maqullashi, afsuski hozirda ham bunday insonlar uchrab turibdi. Hasanni xazoriy sifatida kamsitishi) har bir millatda bo’lgani kabi kamsitish segregatsiya shovinizm kabi illatlarni qoralaydi. Surayyo bu personaj orqali boshida boshqa yigit bilan qochib ketishi hozirgi vaqtdagi yengil hayot tarzi orqali yoshlarning bilib bilmay qilgan xatosini ko’rsatgandek, keyingi hayoti esa xato qilgan insonlar ham ulardan xulosa chiqarib to’g’ri hayotga qaytishi mumkinligini ko’rsatadi. Xullas ushbu asarni o’qish orqali siz Qodiriy aytgandek ham tarixni, o’sha xalqning urf odatlarini o’rganishingiz mumkin. Asarni o’qinglar va ketkazgan vaqtingizga achinmaysiz va u sizga nimadir bera olishiga ishonchim komil!