Шахсий гигиена =оидалари

Зарур жихозлар: Транспорт турлари, светафор белгилари, шифокор жиҳозлари ва газ плитаси тасвирланган суратлар
Машғулотнинг бориши:
Тарбиячи болалар билан саломлашади. Болалар, уйга қандай вазифа берилган?
Олдинги машғулотимизда нималар ҳақида суҳбатлаш-гандик?(транспортлар)
Транспортларнинг қандай турларини биласиз?(ер усти, ер ости, ҳаво ва сув)
Транспортларни кўрсатиб хайдовчилар қандай аталиши ҳақида сўралади.(хайдовчи, учувчи, денгизчи)
Суратини чизиб(болалар томонидан) келган транспорт воситаларини доскага жойлаштирилади. Уйга вазифалар бўйича хулоса қилинадию
Болалар транспорт турлари ва улар тўқрисида жуда ҳам яхши билар экансизлар.
Хонага «вой қўлим»лаб бир бола кириб келади. Болалар қаранглар бу болага нима бўлибди.
Жарохатланибди.
Жарохат-бу организмдаги тўқималарнинг ташқи таъсирлар натижасида шикастланишдир(шикастланиш, лат ейиш, куйиш ).
Болалар орангизда бирортангиз йиқилганмисиз, бирор ерингизни уриб олганмисиз? Ёки кесиб олганмисиз? Бу каби барча шикастланишлар жароҳат дейилади-ми?
Агар одам жарохат олса нима қилиш керак? Бизнинг боқчамизда хамшира ва врачларимиз бор. Улар жарохат жойини яхшилаб ювиб, йод ва зеленка суриб қўядилар.
Амалий иш:
Анвар ва Анора сахна кўринишини олиб борадилар. Анвар мих билан жарохатланди. Анора унга қандай ёрдам бериши керак? Шифокорга мурожат қилиши керак. Мохира хамшира - у Анварнинг қўлини аввал тозалаб ювиб кейин йод суртиб қуйиши керак. Агар жарохат чуқур бўлса боғлаб қўйилади.
Болалар, Анора тўғри иш қилдими? Агар у шифокорга мурожат қилмаганда нима бўлиши мумкин эди?(Жарохатга инфекция тушиши мумкин
Болалар агар бошингизнги қаттиқ уриб олсаларинг нима қилиш керак?
Тўғри, ота-оналарга мурожат қилиш керак, акс ҳолда мия чайқалиши ва одам қаттиқ касал бўлиб қолиши мумкин. Дарҳол “Тез ёрдам” чақириш керак.
Тарбиячининг тушунтириши тарбияланувчилар билан боғлиқ.
Болалар, кўчада ёки йўлда жараҳат олиши мумкинми? Қайси йўл билан ? (Агар йўл ҳаракати қоидасига роия қилинмаса). Жараҳатланишни олдини олса бўладими? (Мумкин, агар йўл ҳаракати қоидаларига роия қилинса)
Жараҳатланишнинг олдини олиш учун кўчани йўлни қандай кесиб ўтишни билиш, сфетофорнинг қайси рангида кўчани кесиб ўтмасликни, йўлнинг транспорт ҳаракатланадиган қисмида ўйнаш мумкин эмаслигини билиш керак. Болалар майдончаси ва ҳовлиларда, махсус мўлжалланган жойларда сайр қилиш ва ўйнаш мумкин. Болалар, қишда машиналарнинг ортига осилиш мумкин эмас, бу бахтсиз ҳодисаларга сабаб бўлиши мумкин. Ўтган машғулотларимизда биз сизлар билан транспортдан тушгандан кейин йўлни қандай кесиб ўтишни билиб олган эдик. Бу ҳақида ким гапириб беради? (автобус ва троллейбусни орқа томонидан, трамвайни олд томонидан ўтилади)