Шахсий гигиена =оидалари

7-мавзу
Атроф-мухитни муҳофаза қилиш


Мақсад:
Тозаликка риоя қилишнинг муҳимлиги, табиатга нисбатан эҳтиёткор муносабатда бўлиш, саломатликни ёмонлашишига сабаб бўлувчи сувнинг, ҳавонинг ифлосланишини олдини олиш бўйича тасаввурларини шакллантириш.
Зарур жихозлар:
Табиат гўзалликлари тасвирланган суратлар, глобус.
Машғулотнинг бориши:
Тарбиячи: Болалар табиатда сув жуда ҳам кўп. Лекин унинг асосий қисмини океан ва денгизлар ташкил қилади. Булар шўр сувлар. Инсонга эса табиатда унча кўп бўлмаган чучук сув керак. Кўпчилик холларда унинг ифлосланиши натижасида яроқсиз аҳволга келиб қолмоқда, шусабабдан чучук сув етишмайди. Кўл ва дарёларга ёмғир сувлар билан бирга далаларни ўғитлантиришда фойдаланиладиган кўплаб тузлар тушади.
Болалар, дарё кўл ва кўлмаклардаги чучук сувларни ичиш мумкин эмас. Уларда зарарли моддалар ва касаллик тарқатувчи микроблар бўлиши мумкин. Бу эса инсон саломатлиги учун зиён етказади.
Сиз завод фабрикаларни кўрганмисиз, уларнинг тутун чиқадиган мўриларини-чи? Улардан чиқадиган тутунлар ҳавони зарарлайди, натижада инсон касал бўлиб қолиши мумкин.
Ҳаво бизнинг атрофимизни ўраб олган лекин у кўринмайди. Инсон ва тирик жонзотларнинг нафас олиши учун тоза ҳаво зарур. Ҳавони тозалашда биргина ўсимликлар энг мухим ўринни эгаллайди. Улар ўзларининг баргларида қурум ва чангларни ушлаб қоладилар. Шунинг учун табиатни асранг, уни мухофаза қилинг. Бу хар бир фуқаронинг бурчи. Бу ишда асосий ўрин сиз болаларга тегишли.
Ўрганилган мавзу бўйича мустаҳкамловчи саволлар:
Нима учун сув ҳавзалари ифлосланган?
Нима учун ҳаво ифлосланмоқда?
Ҳавони ким тозалайди?
+андай?
Машғулот сўнгида барча жавоблар тарбиячи томонидан умумлаштирилади. Фаол иштирок этганлар рағбатлантирилади
8-мавзу.

Жарохатланишнинг олдини олиш

Мақсад: Жароҳатланишнинг турлари ва биринчи ёрдам кўрсатиш ҳақида тушунча бериш. Болаларда бир-бирларига нисбатан самимий муносабатни ва тана қисмларини кузатишни шакллантириш.