Шахс сифатида ўсиш усуллари

ЎЗГАРТИРИШ ТАНЛАШДАН БОШЛАНАДИ
Сиздан кейин у ч нарса қолиши керак:
суратингиз, кутубхонангиз ва кундалигингиз.
Булар сиз қолдирган мебелларингиздан
қимматли эканига шубҳа йўқ!
14

---

Биз истаган вақтда ҳамма нарсани ўзгартира оламиз. 
Истасак, китобни очамиз, ундаги янги билимлар билан 
онгимизни бойитамиз. Истасак, янги фаолият бошлаши- 
миз, ҳаётимизни ўзгартиришимиз мумкин. Биз буни тез 
қилишимиз ёки келаси ҳафтада ё келаси ойда ёхуд кела- 
си йил ҳам бажаришимиз мумкин. Биз ҳеч нима қилмас- 
лигимиз ҳам мумкин. Бу ишни қилишдан кўра қилмас- 
ликни афзал кўрамиз. Бажармаслик учун айёрлик, му- 
ғомбирлик қиламиз. Агар шу ишни амалга ошириш фик- 
ри ноқулайлик (дискомфорт) туғдирса, шундайлигича 
қолдирамиз. Биз ишлашдан кўра дам олишни танлай- 
миз. Ҳақиқатдан билим олишдан кўра вақтичоғлик ва 
ўйин-кулгини, тўғриликдан кўра хомхаёлликни, ишонч- 
дан кўра шубҳаланишни танлаймиз. Бу бизнинг танло- 
вимиз. Кейин оқибатни лаънатлаб, ҳар хил сабаблар би- 
лан ўзимизни оқлашга тушамиз.
Шекспирнинг ажойиб сўзи бор: "Юлдузлар эмас, ўзи- 
миз айбдор". Бизда масъулиятни ҳис қилган, жавобгар- 
ликни ўз зиммасига олган ҳолда танлаш имконияти бор. 
Бугундан бошлаш керак. Кимки яхши ҳаётни қидирса, 
унга кўп вақт сарфлаб, ўйлаб ўтириш керак эмас. Яхши, 
кўнгилдагидек натижа олиш тўғрисида уларга ҳақиқат 
керак, фақат ҳақиқат, бошқа ҳеч нарса эмас. Биз қилган 
хатоларимизни ҳар куни муҳокама қилиб ўтиришимиз 
керакмас. Ўтган ҳаётимизни қайта-қайта эслаб, унинг 
ёрдамида янги ҳаётимизни қуришимиз керак. Ана шунда 
биз кундалик ҳаётимизга бахт, хурсандчилик олиб кири- 
шимиз мумкин. Ва ниҳоят, мен сизга маслаҳат беришга 
журъат этдимки, ҳаётингизни ўзгартириш зарурати бўлса, 
кечираётган турмушингиздан кўнглингиз тўлмаса, уни 
ўзгартиринг! Сиз ўсимлик эмассиз. Ўз ҳаётингизни ис- 
талган жабҳада бутунлай қайта қура оласиз, буни ўз тан- 
ловингиз ва кучингиз билан бошланг.