Шахарсозлик нормалари ва қоидалари

Овқат тайёрлаш учун
ускуналар


9.9. Қаттиқ ёнилғидаги плиталар 2 қаватгача (2-чи қават ҳам) турар-жой уйларда, газ ёнилғида–10 қаватгача (10-чи қават ҳам) йўл қўйилади. 10 қаватдан юқори турар-жой уйлар, ётоқхоналар, қариялар ва ногирони бор оилалар уйлари ошхоналарида (неча қаватлигидан қатъий назар) электрплиталар ўрнатилиши лозим.
Ҳар-бир ошхонани идиш-товоқ ювгич билан жихозлаш керак.
9.10 Ошхонадаги газ ва электр плиталарини конфоркаларини сони: бир хонали квартираларда камида 2 та, икки-олти-хоналида - тўртта, янада каттароқ квартираларда-олтита қабул қилиниши керак.
Ётоқхона ошхоналарида: I тип ётоқхоналарда-50 одам яшовчи гуруҳига битта тўртконфоркали плита; II типда–ҳар бир яшов ячейкасидаги(бўлма) 2 та одам учун бир-икки конфоркали плита; III типда-ҳар бир оила ячейкасига битта учконфоркали плита кўзда тутилиши керак.
9.11. Квартирага қаршли участкадаги ёзги ошхона оқовалаштирилган бўлса, уни плита ва идиш-товоқ ювгич билан жихозлаш тавсия қилинади.


Совуқ ва иссиқ
сув таъминоти


9.12. Оқовалаштирилмаган худудларда истиқомат қилувчиларни сув билан таъминлаш, уйдан 100м дан олис бўлмаган масофада жойлашган сув олиш колонкалардан кўзда тутилади. Иссиқ сув плиталарда, ўчоқларда, қуёшдан иситиш қурилмаларида тайёрланади.
Оқовалаштирилган худудлардаги биноларда ичимлик-хўжалик ва ёнғинга қарши сув таъминоти, ҳамда марказлашган иссиқликтаъминоти тизимидан ёки заводда ишланган махалий сув исситгичлардан иссиқ сув таъминоти кўзда тутилиши керак.

12 ва ундан кўп қаватли турар-жой уйларда, қурилиш хажми 5000 м³ ва ундан ортиқ биноларда ёнғинга қарши сув таъминоти қуриш керак. Ёнғинга қарши сув таъминоти тизими бинони фасадига чиқарилган ўт ўчириш машиналарини улаш учун диаметри 80мм ли бирлаштирувчи головкали тирсаклар билан жихозланган бўлиши керак.
9.13. Қаттиқ ёнилғидаги махаллий сувиситгичлар 2 қаватгача (2-қават ҳам), газли сувиситгичлар-5 қаватдан ошмаган турар-жой биноларда йўл қўйилади. Электрсувиситгичлар қаватлар сони билан чегараланмайди, лекин электртаъминоти ташкилоти билан келишилиши керак.
9.14. Хўжалик ва маиший эхтиёжга бериладиган совуқ ва иссиқ сув сифати O’zDST 950-2000 га мувофиқ бўлиши керак. Иссиқ сувни олиш жойидаги ҳарорати 50° C дан ортиқ сув беришга йўл қўймайдиган трмостатик регуляторли бўлиши керак.
9.16. Сув таъминоти тизимида ҳар бир квартирага, хўжалик блокига, саунага, ҳамда ювгич бакчалари ва жойдаги сувиситгич колонкаларига тарқатиладиган жойларда ёпадиган арматура ўр-натиш кўзда тутилиши керак.
9.17. Ички сув таъминоти тизимида бинони периметрини ҳар 60-70м да биттадан ташқи деворда ичкарилатиб ўрнатиладиган сув сепиш жўмраги кўзда тутилиши йўл қўйилади. Сув таъмиyоти режимли бўлган худудларда сув сепиш жўмраклар ўрнатилмайди.
9.18. Ванна ва душхоналарда ёз вақтида ёпиш мумкин бўлган схема бўйича сочиқ қуритгич ўрнатилиши кўзда тутилиши керак.
9.19. Автоматик кир ювиш машинасини совуқ ва иссиқ сув, ҳамда оқова қуверларига улаш учун уларда пробкалар билан ёпиб қўйиладиган штуцерлар кўзда тутилиши керак.
9.20. Ванна ва душ поддонлари метал корпуслари сув қувурлари билан метал ўтказгичлар билан туташтирилиши керак.