Шахарсозлик нормалари ва қоидалари

Оқовалаштириш


9.21. Ички маиший оқовалашитириш тизими ўрнатилган ҳамма санитария техник асбоблардан (унитаз, ванна, душ, юз-қўл ювгич, буде ва б.) чиқадиган оқова сувларни кетказиш учун кўзда тутилиши лозим.
9.22. Конструкциясида гидравлик ёпғич бўлмаган санитария-техник асбобларни (душ поддонлари, кир ювиш машиналарини мағзава чиқиш жойи ва б.) чиқиш жойига асбобларнинг остига гидравлик ёпғичлар ўрнатилиши керак.
9.23. Оқова сувларни кетказиш ўз оқими билан кетадиган ёпиқ қувурлар бўйича, ифлосланиб тиқилиб қолиш эхтимолини максимал камайтирадиган қилиб ўрнатиб, амалга оширилиши керак. Бошқа-бошқа хонадонларда жойлашган сан.тех. асбобларни умумий тармоқ қувурга улашга йўл қўйилмайди.

9.24. Ички оқовалаштириш тармоғини яшаш хоналари, намлик бўлиши мумкин бўлмаган хоналар, ҳамда ошхона ва вестибюлларни шипи ости бўйлаб, девор ва пол ичи билан ўтказишга йўл қўйилмайди.
9.25. Уйнинг ички ўз оқимили оқовалаштириш тармоғини шамоллатишни (қишлоқдаги 1 қаватли уйлардан ташқари) тортадиган (вытяжной) қисми бино томидан юқорига очиқ хавога чиқарилган уй оқовалаштириш мўриси орқали амалга ошириш керак. Қувурларнинг ҳаво тортадиган мўри қисмини очиладиган дераза ва балконлардан камида 6м масофада, тортувчи шамоллатиш блокларини учидан камида 1м масофада жойлаштириш керак.
Оқовалаштириш мўрилари-ни шамоллатиш канал ва шахталари ичидан ўтказиш ман қилинади.
Оқовалаштириш мўрилари-ни чордоқ бўшлиғида тўхтатишга йўл қўйилмайди.
9.26. Яшаш қисми оқовасини, магазинлар, умумий овқатланиш ва маиший хизмат кўрса-тиш корхоналари оқоваси билан (бино ташқарисида жойлашган биринчи оқовалаштириш қудуғигача) бирлаштириш ман қилинади.
9.27. Юқори класс қулайликли хонадонларда ички оқова тармоғини беркитиб, монтаж-шахта, канал ва тўртбурчак қувурларда (коробларда) ўтказиш керак.
Иситиш
9.28. Иситиш тизими бинонинг яшаш хоналарида ховони хисобий ҳароратини 8 ва 9 жадвалларга мувофиқ таъминлаши керак.
9.29. Турар-жой биноларда буғли иситиш тизими ва газ билан иситиладиган каминлар қўллашга йўл қўйилмайди. Сувли иситиш тизими қўлланилганда, қувурдан ясалган иситиш қисмларни қурилиш конструкцияси ичига ўрна-тиш тавсия этилмайди (қаватёпма, девор, пардевор).
9.30. Иситиш асбоблари юзасидаги ҳарорат 105° С дан, қария ва ногиронлар хоналарида эса 95° С дан ошмаслиги керак.
9.31. Иситиш радиатор ва конвекторлари очиқ, қоида тарзида ташқи деворларда, кўпинча дераза остида жойлаштирилади.
Махаллий иссиқлик манбаидан ишлайдиган иситиш тизимида иситиш асбобларини ички деворларга ўрнатишга йўл қўйилади.
9.32. Печкали иситиш 2 қаватдан кўп бўлмаган турар-жой биноларда ва 25 ўриндан кўп бўлмаган 1 қаватли ётоқхоналарда йўл қўйилади.
Печкали иситиладиган хоналарда хова ҳароратини 1 кун давомида ўзгариши ± 3° С дан ошмаслиги керак.
9.33. Хар бир хонадонда қаттиқ ёнилғида ишлайдиган иситиш қозони қўллаш икки қаватгача (2-қават ҳам) турар-жой биноларда, газсимонида эса 5-қават-гача (5-қават ҳам).

9.34. Электр энергияси билан иситишда, Давшахтехназорат талабларига мос, заводда ишланган электриситиш асбобларидан фойдаланиш кўзда тутилиши керак.