Sh. T. Otaboev t. I. Iskandarov kommunal gigiena

Suvni ul’trabinafsha nurlar bilan dezinfekciya qilish suvni baktyeriyalardan ozod qilishning yana bir usuli hisoblanadi. Ul’trabinafsha nurlar mikroorganizmlarga baktyericid ta’sir qiladi. Bunda mikroorganizmlardagi hujayra protoplazmasining parchalanishi mikrob hujayrasida modda almashinishi jarayonlari buzilishiga olib keladi. Bunda ul’trabinafsha nurlarning ta’sir qiluvchi faol to’lqin uzunligi 205—200 nm ga teng bo’ladi. Bu usul bilan suvni juda tez zararsiz holatga keltirish mum­kin.
Bu usulning kamchiligi suvning zararsizlanganini aniqlash qiyinligi hisoblanadi. Bu usul texnik asbob-uskunalardan nihoyatda ustalik bilan foydalanishni talab qiladi. Nurlanish normasi va vaqtini bilish uchun har kuni baktyeriologik nazorat uyushtirish zarur bo’ladi.
Suv nihoyatda tiniq va kolloid moddalardan holi bo’lgandagana maqsadga erishish mumkin. SHuning uchun ul’trabinafsha nurlar bilan faqatgana yer osti suv havzalaridan olinadigan suvni zararsizlantirish mumkin.
Simob-kvarc yoki simob-argon lampalari yordamida suvni zararsiz holatga keltirish. Ul’trabinafsha nur chiqaruvchi manba maxsus qurilmaga joylashtirilib, undan chiqayotgan nur oqimi zararsizlantiriluvchi suvning hamma hajmiga yo’naltiriladi.
Ul’trabinafsha nurlar kuchini suvning loyqaligi, rangi uning tarkibidagi tuz va boshqalar qirqishi mumkin, shuning uchun ul’trabinafsha nur chiqaruvchi qurilmalar hisob-kitob bilan o’rnatilishi kerak. Simob- kvarcli lampalardan foydalanish muddati 5000 soatga, boshqalariniki esa 3000 soatga teng. Vodoprovod suvlarini zararsizlantirish uchun ul’tratovush, gamma nurlaridan ham foydalanish mumkin, bular ham baktyericid ta’sir ko’rsatadi.