Sh. Rashidov nomidagi samarqand davlat universiteti inson resurslarini boshqarish fakulteti tarmoqlar iqtisodiyoti kafedrasi

Иккинчи устувор йўналиш. Бу- мамлакатимизда хавфсизлик ва барқарорликни, давлатимизнинг ҳудудий яхлитлигини, сарҳадларимиз дахлсизлигини, фуқароларимизнинг тинчлиги ва осойишталигини таъминлашдан иборат.
Учинчи устувор йўналиш. Бу - бозор ислоҳотларини янада чуқурлаштириш, кучли бозор инфратузилмасини яратиш, барқарор ва ўзаро мутаносиб, мустаҳкам иқтисодиётнинг муҳим шарти бўлган эркин иқтисодиёт тамойилларини жорий этишдан иборат.
Тўртинчи устувор йўналиш. Жамиятимизни янада ривожлантириш ва сифат жиҳатидан янгилаш борасидаги тўртинчи ва энг муҳим устувор йўналиш – бу, инсон ҳуқуқлари ва эркинликларини, сўз ва матбуот эркинлигини, шунингдек, ошкораликни, жамиятда ўтказилаётган ислоҳотларнинг очиқлигини таъминлайдиган демократик тамойилларни сўзда ёки қоғозда эмас, амалда жорий қилишдир.
Бешинчи устувор йўналиш фуқаролик жамиятини шакллантиришнинг муҳим шарти бўлиб, бу жамият ҳаётида нодавлат ва жамоат ташкилотларининг ўрни ва аҳамиятини кескин кучайтиришдан иборат. Ҳаётимизни эркинлаштириш йўналишларининг яна бир муҳим йўли марказий ва юқори давлат бошқарув идоралари вазифаларини давлат Ҳокимиятининг Қуйи тузилмаларига, фуқароларнинг ўзини-ўзи бошқариш органларига босқичма-босқич ўтқаза боришни таъминлашдир.
Олтинчи устувор йўналиш – бу, суд-ҳуқуқ соҳасини ислоҳ қилиш бўйича бошланган ишларни давом эттиршдан иборат. Бу соҳадаги энг муҳим вазифа суд-хуқуқ идораларининг мустақиллиги ва таъсирчан фаолиятини сўзда эмас, амалда таъминлаш бўлмоғи зарур. Еттинчи устувор вазифа – бу, барча ислоҳотларимизнинг бош йўналиши ва самарадорлигининг пировард натижасини белгилаб берадиган инсон омили ва мезонидир.
Бу - демографик ва бошқа миллий хусусиятларни ҳисобга олган ҳолда кучли ижтимоий сиёсат олиб бориш демакдир.
10.2. Устувор йўналишлар мазмуни
Ўзбекистон Президенти И.А.Каримовнинг Олий Мажлис тўққизинчи сессиясидаги маърузасида жамиятимиз тараққиёти устувор йўналишларининг учинчиси Бозор ислоҳотларини янада чуқурлаштириш, кучли бозор инфратузилмасини яратиш, барқарор ва ўзаро мутаносиб, мустаҳкам иқтисодиётнинг муҳим шарти бўлган эркин иқтисодиёт тамойилларини жорий этишдан иборат» эканлиги белгилаб берилди. Бу йўналишнинг муваффақиятли амалга оширилиши, биринчи навбатда, хусусий секторнинг мавқеини янада оширишни, кичик ва ўрта тадбиркорликни жадал ривожлантиришни тақозо этади. Мустақиллигимиз рамзларидан бири бўлган сўмимизнинг барқарорлигини ва ҳарид қувватини ҳар томонлама мустаҳкамламасдан, жозибадор инвеститсия муҳитини ва инвесторлар учун кафолатларни яратмасдан, ташқи ва ички сармояларни бутун иқтисодиётимизни янгилашга, олтин-валюта заҳираларимизнинг барқарор ўсишига хизмат қиладиган этакчи тармоқларга биринчи навбатда йўналтирмасдан, халқаро молиявий ташкилотлар билан ҳамкорлигимизни янада кучайтирмасдан, дунё иқтисодий тизимига интегратсиялашмасдан, Жаҳон Савдо ташкилотига аъзо бўлиш учун зарур шарт-шароитларни яратмасдан туриб, бу устувор йўналишнинг ҳаётга татбиқ этилишини тасаввур этиш амалда мумкин эмас.
Енг аввало, бугунги кунда иқтисодий соҳада вазифаларнинг айнан шундай белгиланганлигини ҳар биримиз тўла-тўкис идрок этмоғимиз лозим.
Шу ўринда «Хўш, вазифалар нега бу шаклда белгиланаяпти? Уларнинг мазмун-моҳияти нимадан иборат? Вазифалар шу тарзда белгиланган экан, биз нималарга эътибор бермоғимиз лозиму, қандай ишларни амалга оширмоғимиз керак?» деган саволлар туғилиши табиийдир. Бундай ҳаётий саволларга жавоб бераётган пайтимизда, шак-шубҳасиз, мустақиллик йилларида иқтисодий соҳада, айрим ҳолларда ақл бовар қилмайдиган ишлар амалга оширилганини холисона тан олмоғимиз лозим. Бу ўринда мустақиллик йилларида мамлакатимиз иқтисодий жараёнларини ўзида акс эттирувчи ва бир неча миллиард АқШ долларида ифодаланувчи рақамларни келтириб ўтишимиз, республикамиз ялпи ички маҳсулотининг қанча қисми қайси секторларда ишлаб чиқарилаётганлигини ифодаловчи диаграммаларга мурожаат этишимиз, қанча миқдорда хорижий инвеститсияларнинг жалб қилинганию, қанча янги корхоналарнинг қурилганлиги тўғрисида батафсил тўхталиб ўтишимизга хожат бўлмаса керак.
Шундай бўлишига қарамасдан, учинчи устувор йўналишда вазифаларнинг айнан шу мазмунда қўйилаётганлиги, албатта, бежиз эмас. Чунки вазифаларнинг бу тарзда қўйилаётгалиги, бир томондан, бизни иқтисодий соҳада эришган ютуқларимиздан эсанкирамасликка чақирса, иккинчи томондан, ҳамон иқтисодий соҳада олдимизда қилиниши лозим бўлган талайгина ишлар тўрганлигидан далолат беради.