Sh. H. Usanov, M. X. Tinibekov harbiy toksikologiya

Davolash.  Davo  maqsadida  kislorod  qo‘llaniladi.  Kislorod 

berish  bilan  zaharning  asosiy  ta’siri  –  kislorod  yetishmovchiligi  – 

gipoksiyaning  oldi  olinadi.  Kislorod  nafas  yetishmasligi,  ko‘karish 

va  yurak-tomir  tizimi  yetishmovchiligida  tavsiya  qilinadi.  Biroq 

uni  zaharlanishning  birinchi  davri  (reflektor  davr)da  berish  ham 

intoksikatsiya  belgilarining  kamayishiga  sabab  bo‘ladi.  Kislorod-

ning  40–50%  li  havo  bilan  aralashmasi  ham  toza  kislorod  kabi 

samara beradi.

O‘pka shishini davolash uchun 93–95 qism kislorod va 5–7 qism 

karbonat angidriddan iborat aralashmadan ham foydalanish mumkin. 

Chunki,  karbonat  angidrid  nafas  markazini  qo‘zg‘atuvchi,  vena 

qon  tomirlariga  ta’sir  o‘tkazuvchi,  buning  natijasida  qon  tomirlari 

---

74

markaziga ta’sir ko‘rsatuvchi vosita hisoblanadi. Bularning barchasi 

gipoksiyaning kamayishiga sabab bo‘ladi. 

Davolashda  asidoz  holatini  kamaytirish  muhim  ahamiyatga 

ega.  Buning  uchun  8,4%  li  50  ml  bikarbonat  natriy  yuboriladi. 

Shuningdek u ichishga hamda klizma shaklida buyuriladi (10–15 g.). 

O‘pkadagi shishni kamaytirish maqsadida mochevina buyuriladi. U 

o‘pkadagi osmotik bosimning kamayishiga xizmat qiladi.