Ш. А. ДЎстмуҳамедова, З. Т. Нишанова, С. Х. Жалилова

Тақлидчанлик - намуна бўлиб ҳисобланадиган объект хулқ-атворидан 
тезда нусха олиш натижасидарўй берадиган ўрганиш тури. 
Тест – инсон психологияси ва хулқ-атворини миқдор ҳамда сифат 
жиҳатдан 
баҳолашга 
мўлжалланган 
психологик 
тадқиқотнинг 
стандартлаштирилган методи. 
Шахс - ижтимоий муносабатларга кирувчи ва онгли фаолият билан 
шуғулланувчи бетакрор одам. 
 
Шартли рефлектор ўрганиш – шартли рефлекс механизми бўйича 
янги қўзғатувчиларга реакцияларни ўзлаштириш. 
Ўзлаштириш – билим, кўникма ва малакаларни эгаллаш.
 
Ўз-ўзини тута билиш - шахснинг муайян шароитларда ортиқча фикр, 
ҳис-туйғу, хатти-ҳаракатларни онгли равишда тийиб туриш, ўз фикр, ҳиссиёт 
ва ҳаракатларини мақсадга мувофиқ йўналтира олишдан иборат иродавий 
характер ҳислати. 
Ўрганиш - инсонинг ўқув фаолияти натижасида янги психологик 
сифат ва хусусиятларни ўзлаштирганлигини билдиради.
Ўқиш -билим, кўникма ва малакаларни эгаллаш учун қобилиятларни 
ривожлантиришга қаратилган ўқувчи томонидан амалга ошириладиган ўқув 
ҳаракатларидир.
 
Ўқув фаолияти натижасида инсон янги билим, кўникма ва
малакалар эгаллайди, ёки мавжудларини ўзгартиради, ўз қобилиятларини 
ривожлантирадиган, такомиллаштирадиган жараёндир. 
 
Қобилиятлар - шахсга маълум фаолиятни муваффақиятли бажариш, 
билимларни тез ва осонлик билан ўзлаштиришга ёрдам берувчи индивидуал 
психологик хусусият. 
 
Ғоявий эътиқод - бу билимнинг, ўша шахсга хос бўлган 
интеллектуал, эмоционал ва ирода сифатларининг синтези, ғоялар ва хатти-
ҳаракатлар бир бутунлигининг негизидир. 
 
Ҳаракатнинг ориентирлаш асоси – ақлий ҳаракатларнинг босқичма-
босқич ривожланиш назариясида киритилган тушунча.Ҳаракатнинг 
ориентирлаш асоси боланинг шакллантирилаётган ҳаракат ва уни тўғри, 
муваффақиятли бажариш шароитлари ва сифатлари билан дастлабки
танишиш жараёни ва натижасидир. 
Ёш- индивиднинг маълум аниқ вақтда белгиланган психик 
тараққиётининг босқичи. Ушбу босқичда унинг шахс сифатидаги физиологик 
ва психологик ўзгаришлари кузатилади.