Sevish vaqti keldi… Muallif: Nargiza Erkaboyeva muqaddima agar sen qayerga yurishni bilmayotgan bo‘lsang, to‘xta va o‘yla: sen o‘zi qayerdan kelgansan?

 Oilaning bir a’zosiga doir ruhiy, 
emotsional (hissiy), jismoniy, sog`lik bo`yicha holatlar 
boshqa a’zolariga ham ta’sir etadi. 
Oila a’zolari bir-birini 
aks ettirishadi. Har bir oila o`z qonuni asosida mavjud 
bo`lgan oilaviy tizimdir. Bir-biri bilan umumiy ajdodlar 
tomonidan birlashgan bir nechta oilalar yig`indisi rod 
(ajdodlar tizimi)ni ifodalaydi.
Oilaviy tizim – bu oldindan 
qat’iy belgilangan oilaviy tartibdir. Aynan u barcha omad va 
omadsizliklar, sog`lik va kasallik, fojea va muvaffaqiyatlar 
sababidir. Har bir oilaning o`z qadriyatlari, qonunlari, 
me’yorlari mavjud. Bu qadriyatlar va qonuniyatlarga sinchiklab 
qaralsa, bizning iqrorliklarimiz faqat bizga emas, balki ota-
onamizga, buvi-bobomizga tegishli ekanligini anglaymiz.
Har bir inson umri davomida juda ko`p munosabatlarda 
ishtirok etadi. Munosabatlarsiz hayot mavjud emas. Eng 
mustahkam va davomli munosabatlar – bu bir oila tizimi 
a’zolari o`rtasidagi aloqalardir. Agar inson oilasidan uzoqda 
yashasa ham, ular bilan kam muloqot qilsa ham, ota-onasi, 
opa-singillari, aka-ukalari bilan mustahkam bog`liqlik davom 
etaveradi.