Sevish vaqti keldi… Muallif: Nargiza Erkaboyeva muqaddima agar sen qayerga yurishni bilmayotgan bo‘lsang, to‘xta va o‘yla: sen o‘zi qayerdan kelgansan?

hayotini yashab o`tamiz. Hattoki, ular his qilgan 
tuyg`ularni ham his qilamiz, ular foydalangan so`zlardan 
ham foydalanamiz.
Bizning hayotimiz xuddiki yamalgan ko`rpaga o`xshaydi. 
Har bir yamoq qaysidir ajdodimizning taqdiri qismlaridir. 
Bizning muammoli vaziyatlarda chiqaradigan qarorlarimizdan 
ham qachondir qaysidir ajdodimiz foydalangan. Bizning 
hayotimiz orqali ajdodlarimiz o`z hayotlarini davom ettiradilar. 
Biz har doim o`z ajdodlarimiz bilan mustahkam 
bog`langanmiz, ularga to`liq tegishlimiz.
Zulfiya farzandlari va eriga turli qiziqarli voqealarni aytib 
berib, ularni kuldirib turadi. Bir kuni eri undan bunday qiziqarli 
hikoyalarni qayerdan bilishini so`radi. Zulfiya o`ylanib qoldi. 
Yaxshilab eslab ko`rsa, bu hikoyalarni unga bolaligida dadasi 
gapirib bergan ekan. Zulfiya esa o`zi bilmagan holda yaqinlari 
bilan muloqotda ulardan ongsiz ravishda foydalanar ekan. 
 
Shogirdlarimdan birida ikkilanish, o`ziga ishonchsizlik bor. U 
bilimi juda kuchli bo`lsa ham, o`ziga ishonolmaydi. Ijtimoiy 
tarmoqlarda chiqishi kerak bo`lsa, bu ishni doimo ortga suradi. 
Ko`rinishidan, ovozidan, gapirish ohangidan o`zining ko`ngli 
to`lmaydi. O`ziga bo`lgan baho (samootsenka)si past. Bu salbiy 
odatlar kimda borligini so`raganimda dadasida borligini tan oldi.
 
Munira konsultatsiya paytida tashqi ko`rinishi judayam 
buvisiga o`xshashini e’tirof etdi. Qarindoshlari esa uning qadam 
tashlashi, ovozi, suhbat davomida boshini bir tomonga xiyol 
qiyshaytirib turishi onasiga o`xshashini aytishgan.
 

---