«Servis va turizm» fakulteti «Xalqaro turizm va turizm servisi» kafedrasi

 

---

21 

 

II-BOB. ICHKI TURIZMDA MEHMONXONADA KO‘RSATILADIGAN 

ASOSIY VA QO‘SHIMCHA XIZMATLARNI TASHKIL ETISH 

2.1. Ichki turizmda mehmonxonalarda ko‘rsatiladigan xizmatlar to‘g‘risida 

tushunchalar, ularning ta’rifi va xususiyatlari. 

 

Ichki turizmda  mehmonxona  xizmatlarini  ko‘rib  chiqishdan  oldin 

«xizmatlar» nimaligini yodga olish zarur bo‘ladi va barcha xizmatlarga ega 

bo‘lgan ta’riflarni ajratish talab etiladi.  

Ichki turizmda xizmatlar – bu maqsadga muvofiq mehnat faoliyati va 

uning natijasi bo‘lib, kishining biror-bir ehtiyojini qondirishda aks etadi. Xizmat 

tushunchasi universal holda, ya’ni har tomonlama yoki haryoqlama ahamiyatga 

ega bo‘lib, u narsa shaklida nomoddiy va saqlanmaydigan, uni o‘lchab 

bo‘lmaydigan, jonli mehnat jarayonida taqdim etilishi va faqat baholash mumkin 

bo‘ladi xolos. 

Xizmatlar ishlaridan biri harakat sifatida belgilanadi. Biror – bir huquqiy 

yoki jismoniy shaxs boshqa sub’ektga uni o‘z munosabatida amalga oshiradi va 

moddiy yoki nomoddiy maqsadni ko‘zlab bevosita yoki bilvosita qo‘laylikni 

yaratadi. 

Xizmatlar funksional mo‘ljallangani bo‘yicha moddiy va ijtimoiy-

madaniyga  bo‘linadi.  Moddiy xizmatlar – bu iste’molchining moddiy-maishiy 

ehtiyojlarini qondirish bo‘yicha xizmatlardir. Moddiy xizmatlar buyumlarni 

iste’molchilik xususiyatlarini tiklash (saqlash, o‘zgartirish),  yoki fuqarolar 

buyurtmasiga ko‘ra yangilarini tayyorlash, shuningdek yuklarni va odamlarni 

tashish; iste’mol uchun sharoit yaratishni ta’minlaydi. Xususan, moddiy 

xizmatlarga maishiy xizmatlar, buyumlarni tayyorlash va sozlash (remont qilish), 

uy-joy kommunal xizmatlari, umumiy ovqatlanish xizmatlari, transport xizmatlari 

va boshqalarni kiritish mumkin.