«Servis va turizm» fakulteti «Xalqaro turizm va turizm servisi» kafedrasi

Ishlab chiqarish jarayonlarida xodimning keng ko‘lamda ishtiroki. 

Mehmonxona xizmatlarining muhim xususiyati odamlarning ishlab chiqarish 

jarayonida keng ko‘lamda ishtirok etishi hisoblanadi. Inson omili va uning sezilarli 

ta’siri xizmat sifatining o‘zgaruvchanligi, hatto o‘sha bitta korxona doirasida 

betakrorligiga olib keladi. Shu munosabat bilan xizmat ko‘rsatish standart (nusxa, 

na’muna)lari ishlab chiqilgan va takomillashtirlimoqda. Bu mijozlarga xizmat 

ko‘rsatish tartibini bajarish uchun kompleks majburiyatlardir, qaysikim ishlab 

chiqariladigan barcha operatsiyalar belgilangan sifat darajasini kafolatlashga 

qaratilgan.  

Standart mezonni belgilaydi, unga ko‘ra mijozlarga xizmat ko‘rsatish 

darajasi va mehmonxona korxonasining har qanday xizmat xodimi faoliyati 

baholanadi. Bunday mezonlarga,  masalan, quyidagilarni kiritish mumkin: 

qo‘ng‘iroqqa axborot olingani haqida javob vaqti yoki buronlashtirish vaqti; 

joylashtirish xizmatida rasmiylashtirish vaqti; aniq xizmat ko‘rsatishga sarflangan 

vaqt; tashqi ko‘rinish va uning forma (shakli) mavjudligi; xizmat ko‘rsatuvchi 

xodimning chet tilini bilishi.