“Сервис” илмий-амалий журнал

Культивация хизматлари деганда фермерларга уларга экин экилган ер 
майдонларини техника ёрдамида культивация қилиб бериш (қатқалоқ бўлган ерни 
юмшатиш) тушунилади. Ушбу хизматлардан олинадиган даромад ҳам иккита 
кўрсаткич асосида тан олинади. Булар: 1) культивация қилинган экин экилган ер 
майдони миқдори; 2) бир гектар ерни культивация қилиш учун белгиланган тариф 
ставкаси. Фермер хўжалигига экин экилган ерни культивацияси бўйича 
кўрсатилган хизматларнинг пул бирлигидаги ҳажми, мос равишда, юқорида 
келтирилган иккита кўрсаткичнинг кўпайтиришдан ҳосил бўлган суммадан 
иборат бўлади.  
Транспортировка хизматлари деганда фермерларга етиштирилган қишлоқ 
хўжалик маҳсулотларини қабул пунктларига етказиб бериш бўйича кўрсатилган 
хизматлар тушунилади. Ушбу хизматлардан олинадиган даромад қуйидаги
кўрсаткичлар асосида тан олинади: 1) юк ташиш бўйича кўрсатилган хизмат 
ҳажми (одатда, тонна/километрда); 2) бир бирлик хизмат учун (мисол учун 1 т/км) 
белгиланган тариф ставкаси. Фермер хўжалигига транспортировка бўйича 
кўрсатилган хизматлар ҳажми автомобиллар ёки трактор техникаси ёрдамида 
ташилган юк ҳужжатлари (товар-транспорт наклоднойи) асосида аниқланади. Бир 
бирлик хизмат тарифлари тузилган шартномалар асосида белгиланади. Фермер 
хўжалигига транспортировка хизматлари бўйича кўрсатилган хизматларнинг пул 
бирлигидаги ҳажми тузилган шартномалар ва товар-транспорт наклоднойлари 
асосида аниқланади ҳамда тегишли далолатнома- счет-фактура билан 
расмийлаштирилади.  
Техникани таъмирлаш хизматлари деганда фермерларга уларда мавжуд 
бўлган автомобиллар ва қишлоқ хўжалик техникаларини таъмирлаб бериш 
хизматлари тушунилади. Ушбу хизматлардан олинадиган даромад қуйидаги
кўрсаткичлар асосида тан олинади: 1) таъмирлаш хизматларининг турлари 
бўйича натурал миқдори; 2) бир бирлик таъмирлаш хизматлари учун белгиланган 
тариф ставкаси. Фермер хўжалигига таъмирлаш ишлари бўйича кўрсатилган 
хизматларнинг пул бирлигидаги ҳажми таъмирлаш далолатномалари асосида 
аниқланади. Бир бирлик таъмирлаш ишлари учун тарифлар техник хизматларнинг 
ҳар бир тури (моторни териш, эҳтиёт қисмларни алмаштириш, мойлаш ва шу 
кабилар) бўйича тузилган шартномалар асосида белгиланади.