Servis” fakulteti “iqtisodiyot va menejment” kafedrasi

Qisqa xulosalar
Kapital qo‘yilmalar-bu ishlab chiqarilayotgan mahsulotning sifati, korxonani texnik darajasini oshirish, ilmiy-texnika taraqqiyotini tezlashtirish, iqtisodiyotni zamonaviylashtirish va ishlab chiqarishga zamonaviy mehnat qurollarini tadbiq etishda asosiy manba hisoblanadi.
Kapital qo‘yilmalarning ishlab chiqarish va noishlab chiqarish turlari mavjud. Kapital qo‘yilmalarning ishlab chiqarish turlari yangi ish joylarini joriy qilish, talab ko‘p bo‘lgan tovarlar ishlab chiqarilishini ko‘paytirish va bozorga olib chiqishni ta’minlaydi.
Ikkinchi turi esa ijtimoiy-iqtisodiy sharoitlarni yaxshilash, noishlab chiqarish infratuzilmasini rivojlantirish, qishloq va shaharlarni obodonlashtirishda qo‘llaniladi.
Investitsiyalarning tarkibiy tuzilmasi ular kiritilgan soha yoki tarmoqqa qarab farq qiladi, hamda qo‘yilgan ob’ektga qarab «aktiv» yoki «passiv» xarakterga ega bo‘ladi.
Kapital qo‘yilmalar samaradorligini baholash turli usullar bilan aniqlanadi, lekin umuman olganda ular nisbatan foydaliroq (samarador) investitsiya variantlarini baholashga, aniqlashga yo‘naltirilgan bo‘lishi kerak.
Zamonaviy bozor iqtisodiyoti ijtimoiy ishlab chiqarishni boshqarishning barcha darajalarida investorlarni o‘z mablag‘laridan ratsional va samarali foydalanishga imkoniyatlarini qidirishga yunaltiradi.