Sertifikatlastiriw tiykarlari

5. 2. Akkreditlestiriw milliy sistemasınıń tiykarǵı qaǵıydaları hám quramlıq strukturası

Ózbekstan Respublikasında akkreditlestiriw sistemasın islep shıǵıwdan maqset jergilikli ónimler, xızmetler yamasa processlerdiń muwapıqlıǵın tastıyıqlaytuǵın sertifikatlar hám basqa hújjetlerdi xalıq aralıq tán alınıwı ushın shárt-shárayatlar jaratıwdan ibarat. Bul shárt-shárayatlar Ózbekstan Respublikasınıń xalıq aralıq akkreditlestiriw sisteması (ILAC, IAF) na qosılıwı hám tán alıw boyınsha shártlesiw dúziwde tiykar bolıp xizmet etiwi múmkin. Tán alıw shet el akkreditlestiriw sistemaları, bul sistemanıń túrli áhmiyetke iye ekenligin esapqa alǵan halda akkreditlestiriw milliy sistemasına ıseniwge tiykarlanǵan.Bunda sınaq nátiyjeleri muwapıqlıǵı hám sertifikatlanǵan ónim sapası kórsetkishiniń turaqlılıǵı muwapıqlıqtı tastıyıqlaw boyınsha reglamentlanǵan xalıq aralıq standartlarǵa muwapıq akkreditlangan sertifikatlastırıw hám qadaǵalaw keńseleri, sınaq, salıstırıw laboratoriyaları xızmetleriniń uqıplılıǵı menen kepillikleniwi názerde tutılǵan.

Ózbekstanda ǵárezsiz halda akkreditlestiriw milliy sisteması 1998-jılda jaratıldı. Sistemanı jaratıw akkreditlew jolı menen shólkemler muwapıqlıǵın bahalaw salasında mámlekettiń ornın kúsheytiwdi jolǵa qóyadı. Akkreditlew muwapıqlıqtı tastıyıqlaw salasında óziniń uqıplılıǵı bahasın alıwshı qálegen qáleytuǵın sub'ektler murajatinda ámelge asıriladı.