Sertifikatlastiriw tiykarlari

5. 3. Akkreditlestiriw boyınsha jumısların ámelge asırıwdıń ulıwma qaǵıydaları hám tártibi

Sertifikatlastırıw keńseler, sınaw laboratoriyaları hám qadaǵalaw mekemelerin akkreditlestiriw kriteryası 2006 jıl 17 iyulda Ádillik Ministrliginde 1596 -sanlı dizimge alınǵan “Akkreditlestiriw qaǵıydalari”da tariyp berińan.

Barlıq obiektler ushın akkreditlestiriwnıń ulıwma kriteryaları bolıp tómendegiler esaplanadı :

- muwapıqlıqtı tastıyıqlaw hám bahalaw boyınsha jumıslardı orınlaw qaǵıydaların ornatıwshı hám akkreditlestiriwge talaban (arzashı ) yuridikalıq mártebesin (eger, yuridikalıq shaxs bolıp esaplanǵan jaǵdaylarda ) tastıyıqlaytuǵın hújjetler;

- arnawlı tayarlıqtan ótken, qaniygelik xızmetkerlerdiń attestatsiyalanǵanlıǵı;

- amal etiwshi sapa menejmenti sisteması.

Bir túrdegi ónimlerdi sertifikatlastırıw boyınsha keńselerdi akkreditlestiriw ushın tómendegiler qosımsha kriteryalar bolıp esaplanadı :

- bahalaw obiekti qarıydarlar, támiynatshılar hám islepshıǵarıwshılardan ǵárezsizligi;

- bahalaw obiektine normativ hújjetlerdiń bar ekenligi;

- akkreditlengen laboratoriyalar menen sheriklik qılıw haqqındaǵı shártlesiwdiń bar ekenligi.

Qadaǵalaw keńselerin akkreditlestiriw ushın tómendegiler qosımsha kriteryalar bolıp esaplanadı :

- bahalaw obiekti qarıydarlar, támiynatshılar hám Islepshıǵarıwshılardan ǵárezsizligi;

- bahalaw obiektine normativ hújjetlerdiń bar ekenligi;

- bir túrdegi ónimlerdi sertifikatlastırıw boyınsha keńseler hám akkreditlengen laboratoriyalar menen sheriklik qılıw haqqındaǵı shártlesiwdiń bar ekenligi.

Ayriqsha kriterya bolıp sertifikatlastırıw boyınsha mekeme hám qadaǵalaw mekemesi basshıları, sertifikatlastırıw boyınsha islerdi hám sapa sistemasın tekseriwdi ámelge asırıwǵa basshılıq qılıw ushın sapa boyınsha akkreditlengen ekspert-auditorlar bolıwı shárt.

Laboratoriyalardı akkreditlew ushın tómendegiler qosımsha kriteryalar bolıp esaplanadı :

- sınaw hám ólshew usıllarına normativ hújjetler;

- normativ hújjetler talaplarına muwapıq átirap-ortalıq sharayatı hám islep shıǵarıw imaratı ;

- sınaw apparatları hám ólshew quralları ;

- ólshew hám sınaw nátiyjeleriniń birden-birlıǵın támiyinlew.

Bunda sertifikatlastırıw sınaw,ólshewdi óz kúshi menen ótkeriw huqıqına talaban laboratoriyalar qarıydarlar, támiynatshılar hám islep shıǵarıwshılardan ǵárezsiz bolıwı kerek.

Ónimlerdi sertifikatlastırıw boyınsha keńselerge talaplar tolıq ISO/IEC 65:1996 Xalıq aralıq qollanbası hám EN 45011 Evropa standatlarınıń modifikatsiyasın ańlatpa etken O'zDSt 16. 10 :2009 Mámleket standartı ornatılǵan. Sertifikatlastırıw boyınsha keńselerdiń basqa túrdegi, mısalı, xızmetler, sapa sisteması, xızmetkerler hám qadaǵalaw keńseleri retindegi xızmetlerine talaplar O'zRH 51-078, O'zDSt 5. 4, O'zDSt 5. 6, O'zDSt 16. 2 normativ hújjetlerine muwapıq anıqlanadı. Sapa sistemasın sertifikatlastırıw boyınsha keńselerge kriterya retinde O'zDSt ISO 9001 xalıq aralıq standartı da qollanıladı. Mısalı, MYu 1596-sanlı akkreditlestiriw qaǵıydaları boyınsha qosımsha kriteryalarǵa sertifikatlastırıw boyınsha mekeme sertifikatlastırıw nátiyjelerine isenimdi támiyinlew hám tabıslı jumısshı jaǵdayda bolıwı ushın tómendegi kriteryalarǵa muwapıq bolıwı kerek:

- sapa salasındaǵı iskerlikti jaqsılaw hám sertifikatlastırıwdı ótkeriw haqqındaǵı tastıyıqlaytuǵın hújjetlerdiń bar ekenligi;

- ádillik, qalılıslıq;

- sertifikatlastırıw procedurası boyınsha qarar ushın juwapkershilikti alıwǵa tayınlıǵı ;

- bir túrdegi ónimlerdi sertifikatlastırıw sistemasın jumısshı jaǵdayda ustaw ushın zárúrli resurslar hám finanslıq turaqlılıq ;

- xabardarlıq hám ashkaralıq.

Shólkemlerge járdem beriwshi, yaǵnıy akkreditlestiriwga tayarlanıwdı qáleytuǵınlar ushın O'zRH 51-056 :2003 “Ózbekstan Respublikası akkreditlestiriw sisteması. Sertifikatlastırıw boyınsha keńseler sapa boyınsha qollanbası. Islep shıǵıw boyınsha stilistik qollanba ” basshılıq hújjet bar.

Sertifikatlastırıw mekemesi retinde ornatılǵan talaplarǵa juwap beriwshi hám zárúrli uqıpqa iye bolǵan, múlkshiliktiń qálegen formasındaǵı akkreditlengen shólkem bolıwı múmkin.

Barlıq kriteryalar ornatılǵan tártipte rásmiylestirilip hám hújjetlerge muwapıq tastıyıqlanǵan bolıwı shárt.

Sertifikatlastırıw keńselerin akkreditlestiriw onı akkreditlestiriw tarawı ornatılǵan nızamlı halda ótkeriw menen rásmiy tán alıw bolıp esaplanadı.