Sertifikatlastiriw tiykarlari

3. 1. Sertifikatlastırıw sxemaları hám olardıń qollanılıwı

Ózbekstan Respublikası sertifikatlastırıw milliy sisteması (O'zR SMT) de belgilengen hám usınıs etilgen sertifikatlastırıw sxemaları 3. 1-kestede keltirilgen.

1-sxema úlgi túrin sertifikatlastırıwda hám akkreditlengen sinew laboratoriyalarında (ASL) ónimdi sınap kóriw názerde tutılǵan, májburiy kórsetkishleri boyınsha, birinshi náwbette, qawipsizlikke kóre sınap kóriwde qollanıladı. Bul sxema ónimge anıq belgilenbegen MH bolmaǵanda da qollanıladı.

2-sxema ónimdi májburiy kórsetkishlerin ASLda sınap kóriw, keyinirek sawda salasından (qarıydardan ) alınǵan úlgilerdi sınaw jolı menen ónim inspektsiya qadaǵalawın ótkerip tekseriw názerde tutıladı.

3-sxema islep shıǵarılıp atırǵan ónimdi sertifikatlastırıwda qollanılıp, ASLda islep shıǵarıw kórigi hám májburiy kórsetkishlerdi tekseriw ushın ónimdi sınap kóriw názerde tutıladı. Bul sxemada tayarlawshıdan alınǵan, ónim sınawın ótkeriw menen kárxanada inspektsiya qadaǵalawın ótkeriw názerde tutılǵan.

4-sxema islep shıǵarılıp atırǵan ónimdi sertifikatlastırıwda qollanılıp, ASLda islep shıǵarıw gúzetiwi hám májburiy talaplardı tekseriw ushın ónimdi sınap kóriw názerde tutılǵan. Bul sxemada sawda salasınnan (qarıydardan ) hám tayarlawshıdan alınǵan úlgilerdi sınawın ótkeriw jolı menen ónim inspektsiya qadaǵalawı názerde tutılǵan.

5-sxema islep shıǵarılıp atırǵan ónimdi sertifikatlastırıwda qollanılıp, ASLda islep shıǵarıw gúzetiwi yamasa sapa sistemasın bahalaw hám májburiy talaplardı tekseriw ushın ónimdi sınap kóriw názerde tutılǵan. Bul sxemada óndiris kórigi (yamasa sapa sistemasın bahalaw ) hám ónim sınawın ótkeriw menen inspektsiya qadaǵalawı názerde tutılǵan.

6 -sxema sapa sistemasın sertifikatlastırıwda qollanıladı hám náwbettegi inspektsiya qadaǵalawın ótkeriw, hám de onı bahalaw názerde tutılǵan.

7-sxema ónimniń partiyasin sertifikatlastırıwda qollanılıp jáne bul partiyadan alınǵan úlgi sınawı názerde tutilan.

8-sxema hár bir dana buyımdı sertifikatlastırıwda qollanıladı.

9 -sxema ónim qawipsizlik talaplarına muwapıqlıǵın dekloratsiya qılıw názerde tutılǵan. Bul sxema ónim ornatılǵan talaplarǵa muwapıqlıǵın tastıyıǵın támiyinleytuǵın hújjetleri menen muwapıqlıǵı haqqında ornatılǵan talaplar tiykarında, ónim muwapıqlıǵın dekloratsiyalaw retinde paydalanıladı.

Bul sxema boyınsha arzashı akkreditlengen sınaw laboratoriyasında sınawdı ótkeriw, yamasa sapa menejmenti sistemasın sertifikatlastırıwi, yamasa ol boyınsha sertifikatlastırıw mekemesine arza beriwi hám náwbettegi basqa qabıl etilgen dekloratsiyalawdı támiyinleydi. Arzashıda arzada kórsetilgen ónim muwapıqlıǵı talapların tastıyıqlaytuǵın tikkeley bolmaǵan, yamasa tikkeley barlıq zárúrli hújjetlerdiń bar ekenligi 9 -sxemanı qollaw shártleri bolıp esaplanadı. Eger bunday shártler atqarılmasa, ol jaǵdayda arzashıǵa ónimdi basqa sertifikatlastırıw sxeması menen sertifikatlastırıw usınıs etiledi.

3. 1-keste

Sertifikatlastırıw sxemalarınıń múmkinshilikleri

Sxemalar nomeri	Akkreditlengen sınaw laboratoriyalarında sınap kóriw hám muwapıqlıqtı basqa jollar menen tastıyıqlaw	Islep shıǵarıwdı baqlaw yamasa sapa sistemasın bahalaw	Sertifikatlastırılǵan ónim (sapa sistemaları, islep shıǵarıw ) dıń inspektsiya qadaǵalawı
1	Túrin sınap kóriw	-	-
2	Túrin sınap kóriw	-	Sawda tarawı (qarıydar ) nan alınǵan úlgini sınap kóriw
3	Túrin sınap kóriw	Islep shıǵarıwdı baqlaw	Tayarlawshıdan alınǵan úlgini sınap kóriw
4	Túrin sınap kóriw	Islep shıǵarıwdı baqlaw	Sawda tarawı (qarıydar ) den, sonıń menen birge, óndiris shıǵarıwdan alınǵan úlgilerdi sınap kóriw
5	Túrin sınap kóriw	Islep shıǵarıwdı baqlaw yamasa sapa sistemasın bahalaw	Ónim úlgisin sınap kóriw hám sapa sistemasın bahalaw
6	Túrin sınap kóriw	Sapa sistemasın bahalaw	Sapa sisteması jaǵdayın bahalaw
7	Topın sınap kóriw	-	-
8	Hár bir úlgini sınaw	-	-
8	Usınıs etilgen hújjetlerge muwapıqlıǵı haqqında dekloratsiyanı kóriw	-	-

9 -sxemanı qollaw tómendegi jaǵdaylarda usınıs etiledi:

-sertifikatlastırıwda qaytalanbaytuǵın import qılınıp atırǵan ónim partiyası kóp bolmaǵan kóleminen , firma islep shıǵarıpatırǵan, islep shıǵarıwshı jáhán hám ózbek bazarında joqarı sapalı dep ózine usınıs etetuǵın, yamasa danalı buyım, yamasa buyım kompleksi, jergilikli óndiriste kerekli ásbap-úskeneler hám basqa obiektlerdi ,egerde buyım qawipsizligi haqqında usınıs etilgen texnikalıq hújjetler boyınsha oylap kórilgen bolsa ;

- ónimdi sertifikatlastırıwda jergilikli islep shıǵarıwshılar, sonday-aq, jeke isbilermenler, inspektsiya qadaǵalawın ótkeriw májburiy bolmaǵan hám bazarda oǵan soraw múmkinshiligi boyınsha bul ónimdi qarıydar talabına kóre óndiriste ornatılǵan tártipte óz iskerligin dizimge qoyıw.

1-2-sxemalar qawipsizlik kórsetkishleri islep shıǵarıw faktorlarınan kem tásiretiwshi ónimlerdi sertifikatlastırıw ushın qollanıladı, keri jaǵdaylardi 3-5-sxemalardı qabıllaw zárúr.

5-sertifikatlastırıw sxeması boyınsha májburiy sertifikatlastırıwdı ótkeriw waqtında tayarlawshıda sapa menejmenti sistemasına (islep shıǵarıw ) sertifikatı ámeldegi bolǵanda islep shıǵarıw jaǵdayı analizi ótkerilmeydi.

5-sxema, eger muwapıqlıq sertifikatı ámel qılıw múddeti dawamında úlgili wákil sınap kóriw nátiyjeleri kórsetkishleri ceriyali ónim islepshıǵarıw turaqlılıǵına jeterli isenim payda etealmaǵan jaǵdaylarda da qollanıladı.

Ónimler 3-, 4-, 5-, 7-, 8-, 9 – sxemalar boyınsha sertifikatlastırılǵanda, ónim ornatılǵan tártipte muwapıqlıq belgisi menen tamǵalanıwı múmkin.