Sertifikatlastiriw tiykarlari

2. 6. Sertifikatlastırılǵan ónim ústinen inspektsiya qadaǵalawı

Ceriyali islep shıǵarılıp atırǵan ónimge sertifikat beriwshi sertifikatlastırıw mekemesi jılda bir retten kem bolmaǵan tárzde sertifikatlastırıwda ornatılǵan talaplarǵa muwapıqlıǵın tastıyıqlaw maqsetinde sertifikatlanǵan ónimniń inspektsiya qadaǵalawın ótkeredi. Inspektsiya qadaǵalawı sertifikatlastırıw sxeması, ónim sınawın ótkeriw yaki islep shıǵarıwdı baqlawǵa baylanıslı boladı.

Inspektsiya qadaǵalawına ulıwma talaplar 2005 jıl 6 aprelde Ádillik ministrligda dizimge alınǵan №1464 “Sertifikatlastırılǵan ónim hám xızmetler inspektsiya qadaǵalaw ótkeriw qaǵıydaları”nda belgilep qoyılǵan. Bir túrdegi ónimlerdi sertifikatlastırıw mekemesi procedura hújjetinde arnawlı bir tártipte inspektsiya qadaǵalawın ótkeriw belgilengen.

Inspektsiya qadaǵalawı kólemin SI ónimdi sınap kóriw, aldıngi ótkerilgen inspektsiya qadaǵalawı nátiyjeleri hám attestatlanǵan yamasa akkreditlengen sınaw islep shıǵarıw laboratoriyaları nátiyjeleri miynet kóleminen kelip shıǵıp hár bir arnawlı bir jaǵdayda anıqlaydı.

Inspektsiya qadaǵalawı udayı tákirarlanatuǵınlıǵın muwapıqlıq belgisinen paydalanıw hám muwapıqlıq sertifikatın qollaw huqıqın toqtatıw haqqındaǵı shártlesiwde rejede ornatılǵan tártipte, SI menen tayarlawshı tómendegilerdi esapqa alıp shártlesiw dúzedi:

- arnawlı ónimniń ayriqsha ózgeshelıǵı;

- sertifikatlastırılıpatrǵan ónim kólemi hám islep shıǵarıw dawam etiw waqtı ;

- sapa sistemasına sertifikattıń bar ekenligi.

Sertifikatlastırılǵan ónim rejeli inspektsiya qadaǵalawı SI tastıyıqlaǵan joba -grafigine muwapıq ótkeriledi.

Rejeden tısqarı inspektsiya qadaǵalawı ámeldegi saykes emeslikti jónge salıw dálillerde rásmiy tastıyıqlanǵanlıǵı hám anıq dáliller keltirip tastıyıqlaw haqqında sertifikatlanǵan ónimge qarıydarlardan shaǵım hám kelispewshilikler bildirilse hám de ónim normativ hújjetine hám islep shıǵarıw texnologiyalıq processlerine ózgertiw kiritilgen jaǵdaylarda ótkeriledi.

Inspektsiya qadaǵalawın ótkeriw ushın muwapıqlıq sertifikatın beriwge shekem sertifikat iyesi menen sertifikatlastırıw mekemesi dúzip atırǵan shártlesiw tiykar bolıp esaplanadı. Shártlesiwde jumıs túrleri, ótkeriw múddeti hám inspektsiya qadaǵalawı boyınsha jumıslarǵa tólew shártleri ornatıladı.

Inspektsiya qadaǵalawı sertifikatlastırıw, nızamlı aktlar hám sertifikatlastırıw boyınsha atqarılatuǵın jumıslar tártibi hám tiykarların, standartlastırıw, metrologiya hám sertifikatlastırıw tarawlarındaǵı normativ hújjetleri boyınsha arnawlı tayarlanǵan qánigeler (sapa boyınsha ekspert-auditorlar) ámelge asıradı. Inspektsiya qadaǵalawında, zárúrat bolǵanda, basqa shólkem wákilleri sol shólkem yamasa tikkeley onıń qánigesi menen sertifikatlastırıw mekemesi ortasında dúzilgen óz-ara shártnama tiykarında qatnasıwı qabıl etiledi. Sertifikatlastırıw mekemesi tapsırması boyınsha akkreditlengen qadaǵalaw mekemesin tartıw múmkin.

Inspektsiya qadaǵalawınıń maqseti sertifikatlastırılǵan ónim normativ hújjetler talaplarına muwapıqlıǵın tastıyıqlawdan ibarat.

Inspektsiya qadaǵalawı SI basshısı tárepinen tastıyıqlanǵan programmaǵa muwapıq ótkeriledi. Inspektsiya qadaǵalawı programması maqset hám obiekt, inspektsiya qadaǵalawın ótkeriw boyınsha jumıslar tártibi hám kóleminen quram tapqan bolıwı shárt.

Sertifikatlastırıw mekemesi basshısı bir nusqa buyrıq hám inspektsiya qadaǵalaw ótkeriw programmaların tayarlawshıǵa olardı alǵanlıǵı haqqında imza menen tapsıradı.

Inspektsiya qadaǵalawı tayarlawshıdan, tayarlawshı wákili qatnaspaǵanda hám ,yaki sawda salasınan (qarıydardan ) sertifikatlastırıwdıń 2- hám 4-sxemalarında úlgi tańlap alıw menen baslanadı. Ónim úlgisin tańlaw hám identifikaciyalawda akt rásmiylestiriledi.

Tayarlawshı ónimin sınap kóriw hám tańlawda qatnasıw huqıqına iye.

Sınap kóriw, onı tańlaw tártibi, identifikaciyalaw hám sınap kóriw hám de úlgi muǵdarı ónim MH talaplarına muwapıq ámelge asırıladı.

Ónim úlgisin sınap kóriwdi ǵárezsiz akkreditlengen laboratoriyalar, qale ol sertifikatlastırılıpatrǵan ónim tayarlawshısınıń texnikalıq uqıplılıǵına akkreditlengen sınaw laboratoriyası, inspektsiya qadaǵalawı komissiyası qatnasıwı menen ótkeredi. Sınaw nátiyjeleri protokolda rásmiylestiriledi.

Islep shıǵarıwdı baqlawda inspektsiya qadaǵalawı 3- hám 5-sxemalar boyınsha tap sol tártipte sertifkatsion gúzetiw retinde ótkeriledi. Tekseriwdiń tiykarǵı obiektler i tómendegiler boladı :

- ónimge normativ hújjet, sınap kóriw usılı hám islep shıǵarıw texnologiyası ;

- sertifikatlawtırılǵan ónim;

- islep shıǵarıw hám sapa sisteması ;

- texnologik apparatlar, ólshew hám sınap kóriw quralları ;

- sawda shólkeminde hám tayarlawshı kárxanada sertifikatlastırılǵan ónimdi saqlaw múddeti hám shártleri;

- qadaqlaw, tasıw ;

- qosımsha etilgen hújjetler;

- muwapıqlıq belgisi menen tamǵalaw.

Islep shıǵarıwdı baqlaw tastıyıqlanǵan programmaǵa muwapıq ótkeriledi. Shólkemde inspektsiya qadaǵalawı ótkeriw processinde, zárúrat bolǵanda, komissiya programmadaǵı názerde taza kárxana islep shıǵarap atırǵan ónim sapasına baylanıslı bolǵan obiekt yamasa processlerdi tekseriwi múmkin.

Tekseriwge ámel qılıw shártleri muwapıqlıq belgisin qollaw huqıqı sertifikatlar nusqasında qollanılıwın tekseriw menen baslanadı, sonıń menen birge, ónimge, ıdısqa, qadaqlawhám qosımsha qılınıp atırǵan hújjetlerde muwapıqlıq belgisinń bar ekenligi hám tuwrı qoyılǵanlıǵı tekseriledi. Tekseriw tayarlawshı karxanada hám ,yaki sawda shólkemlerinde, egerde bul sertifikatlastırıw sxemasında belgilengen bolsa, ótkeriledi. Belgini tekseriw muwapıqlıq sertifikatı hám konstruktorlıq hújjetlerine muwapıq ámelge asırıladı.

5- yamasa 6 -sxema boyınsha ónimdi sertifikatlastırıwda sapa sistemasına sertifikatı bar ekenligine qaray, sertifikatlastırıw mekemesi, sapa sistemasın tekseriw haqqındaǵı esabattıń bir nusqasın sapa menejmenti sisteması boyınsha sertifikatlastırıwdı ámelge asırǵan mekemege beredi.

Islep shıǵarıwdı tekseriw nátiyjeleri unamsız bolsa, komissiya kárxanaǵa anıqlanǵan saykes emeslikti jónge salıwdı gúzetiw aktında kórsetip yamasa protokol kórinisinde rásmiylestirip usınıs etedi.

Inspektsiya qadaǵalawın eger muwapıqlıqtı yamasa ornatılǵan talaplarǵa islep shıǵarıw yaki saykes emes ónim qalıs tastıyıqlaw ornatılǵan bolsa, tamamlandi, dep esaplaw múmkin.

Bahalaw tekseriw nátiyjeleri (tekseriwshi hám tekserilip atırǵan ) boyınsha qarar qabıllawda táreplerde isenimsizlik hám qıyınshılıqlar tuwdırmaytuǵın bolıwı kerek. Bahalaw sertifikatlanıp atırǵan ónimdi muwapıqlıǵın normativ hújjetler talaplarına muwapıq anıq ańlatpalanbaǵanlıq hám eki pikirli túsindirmeler bolıwınan qutılıwı kerek.

Inspektsiya qadaǵalawı nátiyjeleri boyınsha komissiya qálegen formada hám eki nusqada akt dúzib, olardan bir nusqası tayarlawshıǵa beriledi hám de ekinshi nusqası bolsa sertifikatlastırıw mekemesine jónetiledi.

Inspektsiya qadaǵalawı aktın komissiyanıń barlıq aǵzaları hám tayarlawshı imzalaydı, usı waqıtta inspektsiya qadaǵalawı nátiyjelerine narazılıqlar bolǵan jaǵdaylarda óziniń pikirin kirgiziwi múmkin. Aktda tayarlawshı haqqındaǵı, sertifikatlastırılıpatrǵan ónimdi MH talaplarına muwapıqlıǵı dálilleri, islep shıǵarıwdı metrologik támiynatı hám texnologiyalıq processler talaplarına ámel etiliwi hám de juwmaqlar haqqındaǵı maǵlıwmatlar kórsetiledi.

Inspektsiya qadaǵalawı nátiyjeleri boyınsha 3 kún dawamında sánesi ko’setilgen inspektsiya qadaǵalawı aktı dúzilip, muwapıqlıq sertifikatın tastıyıqlaw, toqtatıw yamasa bıykarlaw haqqında qarar qabıl etiledi. Qarardıń bir nusqası qarar qabıl etilgennen keyin úsh kúnden kóp bolmaǵan múddette tayarlawshıǵa jónetiledi.

Muwapıqlıq sertifikatın toqtatıw jaǵdaylarında qararda anıqlanǵan kemshilikler boyınsha tuwrılawshı ámellerdi qabıllaw ushın múddeti kórsetiledi.

Muwapıqlıq sertifikatın bıykarlaw haqqında qarar qabıl etilgen jaǵdaylarda sertifikatlastırıw mekemesi bul haqqında maǵlıwmattı úsh kúnden kem bolmaǵan múddette “O'zstandart” agentligi, salıq hám bajıxana keńselerine hám zárúrat bolǵanda ǵalaba xabar qurallarına jiberedi.

Muwapıqlıq sertifikatın bıykarlaw Ózbekstan Respublikası sertifikatlastırıw milliy sistemasınıń reestridan shıǵarıw waqıtı menen ámelge asadı. Biykar etilgen muwapıqlıq sertifikatı muwapıq tiykarınan tómendegi maǵlıwmatlar sáwlelengen jazıwlardı aparıw menen joq etiledi:

- biykar qılıw haqqında qarar sánesi hám nomeri;

- ónim atı ;

- islep shıǵarıwshınıń atı ;

- muwapıqlıq sertifikatın Mámleket reestri boyınsha nomeri hám tártip nomeri;

- joqetiw sánesi.

Májburiy sertifikatlastırıwda turǵan ónim sertifikatı biykar etilgeninen keyin, bul ónimdi satıwdı toqtatıw menen sawda salasından biykar etilgen sertifikat nusqası mámileden shıǵarılıwı shárt.

Qızıǵıwshı tárepler qabıl etilgen sheshimge narazı bolǵan jaǵdaylarda “O'zstandart” agentliginiń Apellyatsiya keńesine yamasa tikkeley sudqa shaqırıq qılıw huqıqına iye. “O'zstandart” agentliginiń Apellyatsiya keńesi sheshimi maydanınan ornatılǵan nızamshılıq tártibinde sudqa shaǵım etiliwi múmkin.