Sertifikatlastiriw tiykarlari

Sertifikatlastırıw degende talap etilgen isenimlilik menen ónimniń arnawlı bir standartqa yamasa texnikalıq hújjetke muwapıqlıǵın tastıyıqlaytuǵın iskerlik túsiniledi.

“Sertifikatlastiriw” túsinigi birinshi ret Xalıq aralıq standartlastırıw shólkemi Sovetiniń sertifikatlastırıw máseleleri boyınsha arnawlı komiteti tárepinen islep shıǵılıp, onıń “Standartlastırıw, sertifikatlastırıw hám sınaw laboratoriyalarınıń akkreditlew tarawlarındaǵı tiykarǵı atamaları hám olardıń qaǵıydalari” qollanbasına kiritilgen.

Muwapıqlıq sertifikatı - bul kerekli isenimlilik penen ónim yamasa xızmet, identifikaciyalanǵan formada arnawlı bir standart yamasa basqa normativ hújjetlerge muwapıqlıǵın bildiriwin, támiyinleytuǵın sertifikatlastırıw milliy sisteması qaǵıydaları boyınsha berilgen hújjet.

Muwapıqlıq termini ónim, process, xızmetke belgilengen barlıq talaplarǵa ámel qılıwdı óz quramına aladı. Bunda muwapıqlıqtıń úsh kórinisi: muwapıqlıq bayanatı, muwapıqlıqtı attestatlaw, muwapıqlıqtı sertifikatlastırıw degen túsinikler bar.