Sentyabr Tarbiyachining bir haftalik namunaviy ish rejasi

E’tiborga molik jihati: bolalarda qiziquvchanlikni rivojlantirish

San’at markazi

Mavzu bo‘yicha rasm chizish“Kuzgi daraxt”.

Maqsad: rasm orqali kuzgi daraxt, uning barglari haqida obrazni yaratadi, atrofdagi olam go‘zalliklarini qog‘ozdagi fon va bo‘yoqlarni mujassamlashtira oladi, tasvirlarni qog‘ozda joylashtira oladi.

Jihoz va materiallar: kuzgi daraxtlar tasvirlangan rasmlar, qog‘ozdan yasalgan kuzgi barglar, guash

Faoliyatning borishi:

1. Didaktik o‘yin: “Ha yoki yo‘q”.

- Kuzda gullar ochiladimi?

- Qo‘ziqorinlar bo‘ladimi?

- Bulutlar qyoshni yopadimi?

- Qushlar uchib keladimi?

- Hayvonlar inini yopadimi?

- Quyosh nurlarini yorqin sochadimi?

- Bolalar quyoshda chiniqsa bo‘ladimi?

- Hamma xirmonni yig‘adimi?

2. Didaktik o‘yin: “Qaysi daraxtning bargi ekanligini top”

3. Daraxtning tuzilishini ko‘rib chiqish: shoxlarning, barglarning joylashuvini, ularning ranglarini ko‘rib chiqishadi.

4. Rasm chizishadi.

5. Bolalar ishlari ko‘rgazmasi. Bolalarga eng baland, past, shoxli, sarg‘ish, qizg‘ish va rangli barglidaraxtlar tavsiya etiladi.

Qo‘shimcha: tabiatdagi mavsumiy o‘zgarishlarni kuzatish. Kuzgi barglar va ulardan guldastalar yasash o‘yinlari. Kuz haqida she’r va qo‘shiqlar yod olish.

E’tiborga molik jihati: bolalarda estetik did va badiiy qobiliyatlarniuyg‘otish, tasviriy faoliyatga qiziqishlarini rivojlantirish.

San’at markazi

Plastilin, loydan yasash “Ertak qahramonini yasaymiz.

Maqsad: hayvonlarni yasaydi, shakli, rangi va qismlar nisbatini biladi, ertak qahramonining tashqi ko‘rinishining belgilarini ko‘rsata oladi.

Jihoz va materiallar: plastilin, pichoqcha, suv, mato, taxtacha.

Faoliyatning borishi:

1.Ertak va qahramonlari haqida topishmoqlar aytish. Masalan: “Kim mening likopchamdan ovqat edi, kim mening o‘rindig‘imda o‘tirdi?”

2.“Mening sevimli ertagim”, “Mening sevimli ertak qahramonim” mavzusida suhbat.

3.Mustaqil faoliyat.

4.Bajarilgan ishlar tahlili. Qanday qiziqarli xolatlarga duch keldingiz?
Qo‘shimcha: ertakni o‘qish va suratlarni tomosha qilish

E’tiborga molik jihati: qo‘llarning mayda motorikasini rivojlantirish va nutqnik grammatik tuzilishiga e’tiborni qaratish .

San’at markazi

Applikatsiya: “Likopchadagi olmalar - do‘stim uchun hadya”

Maqsad:bolalar tugallangan kompozitsiyaning tayyor formalarini tuza oladi.Qaychini ushlashni, to‘g‘ri qirqishni va elimlashni biladi.

Jihoz va material: likopcha shaklida qirqilganqalin qog‘oz, 4-5 dona olma namunalari, rangli qog‘oz, jigarrang rangli chiziqlar, qaychi, elim, mo‘yqalam, salfetka.

Faoliyatning borishi:

1. Likopchadagi turli shakl va rangdagi olmalarni ko‘rib chiqish.

2. Didaktik o‘yin: “Bog‘da nima o‘sadi?”

3. Applikatsiyani bajaradi.

4.Ish joyini yig‘ishtiradi.

5. Tayyor ishlarni ko‘rib chiqish va pannoga yig‘ish.

Qo‘shimcha: kvadrat, to‘g‘riburchak, aylana va oval shakllarini qirqish

E’tiborga molik jihati: bolalarning jamoa bo‘lib ishlash faoliyati, mayda qo‘l va barmoqlar motorikasi