Sentyabr Tarbiyachining bir haftalik namunaviy ish rejasi

Nimaga e’tibor qaratiladi: bolalarning obrazli tafakkuri.
Syujetli-rolli o‘yinlar va drama markazi
Syujetli-rolli o‘yin: «Do‘kon».
Maqsad:sotuvchilik kasbi to‘g‘risida tushunchaga ega bo‘lish; sotuvchi-xaridor rollarini o‘ynash.
Jihoz va materiallar: konfetlar,non, meva va sabzavotlar, o‘yinchoqlar, kitoblar kabi
turli tovarlar bilan to‘ldirilgan vitrina, polka.
Faoliyatning borishi:
1. Sotuvchi, kassir kasblari xususida suhbat.
2. Didaktik o‘yin: «Kimga nima kerak?»
3. Rollarni taqsimlash.
4. Syujetni davom ettirib rivojlantirish.
Qo‘shimcha: didaktik o‘yin: «Do‘kon». O‘yin uchun o‘yinchoqlar tayyorlash. Do‘konga sayohat.
Nimaga e’tibor qaratiladi: o‘yin paytida bolalarning o‘zaro do‘stona munosabatiga, bir-birlariga yordam berishga doim tayyor turishlariga.
Til va nutq markazi
“Haydovchilik kasbi” to‘g‘risida suhbat.
Maqsad:turli mashinalarni boshqaradigan haydovchilik kasbi to‘g‘risidagi tasavvurlarni shakllantirish, bilish faoliyatini rivojlantirish; kattalar bilan bog‘liq har qanday kasbga nisbatan hurmat hissini tarbiyalash. Bog‘lanishli nutqlarini o‘stirish.
Jihoz va materiallar: haydovchilar kostyumi, niqob, bosh kiyimi, o‘yinchoqlar.
Faoliyatning borishi:
1. Haydovchilik kasbi to‘g‘risida suhbat.
2. O‘yin: «Yo‘l harakti qoidalari». Haydovchi yo‘l harakati qoidalarini bilishi shartmi?
3. Didaktik o‘yin: «Ifoda asosida mashinaning turini aniqla».
4. Topishmoqlar topish.
5. Kitob va rasmlarni ko‘zdan kechirish. Didaktik o‘yin: «Uchinchisi ortiqcha».
Qo‘shimcha: videorolik namoyishi, badiiy adabiyotlar o‘qish.
Nimaga e’tibor qaratiladi: tovushlarni to‘g‘ri talaffuz qilish, topishmoq aytish va ularga javob topa bilish.
Til va nutq markazi
Didaktik o‘yin:«Pochta».
Maqsad: pochtachilik kasbi yuzasidan tushunchaga ega bo‘lish; pochtalon xat, gazeta va jurnallarni etkazib berishini bilish. Boshlangan hikoyani davom ettirish, muhokama paytida o‘z fikrini ifodalay olish, savol berish ko‘nikmalarini shakllantirish.