Sentyabr Tarbiyachining bir haftalik namunaviy ish rejasi

Qog‘ozdan konstruktorlash: “Bayram taklifnoma otkritkasi”
Maqsad: bolalar rasm bilan ishlashni o‘rganadilar, qog‘ozni teng ikkiga buklaydilar, ranglarni tanlay oladilar, hajmga ko‘ra o‘zaro nisbatlarni to‘g‘ri ifodalaydilar, bayram mavzusiga muvofiq mustaqil bezatadilar.
Jihoz va material:namuna sifatida turli otkritkalar, rangli qog‘ozdan hosil qilingan to‘g‘ri to‘rt burchaklar va chiziqlar, elim, salfetkalar, mo‘yqalam, qo‘l ostidagi materiallar.
Faoliyatning borishi:

1. 
   Kutilayotgan bayram haqida suhbat
   
2. 
   Turli tabrik otkritkalarini ko‘zdan kechirish
   
3. 
   Ish hajmini muhokama qilish. Materialni tanlash, bezatish
   
4. 
   Ish tartibining ketma ketligini namoyish etish
   
5. 
   Bolalarning mustaqil ishlari
   
6. 
   Bolalar ishlarining ko‘rgazmasi
   

Qo‘shimcha:onalar haqida qo‘shiq va she’rlarni yodlash
E’tiborni qaratish kerak: fantaziya,tasavvurni ranglarni his etish, qunt bilan o‘tirish, orastalikni rivojlantirish.


Syujetli rolli o‘yinlar, drammalashtirish markazi
“Supermarket” syujetli rolli o‘yini
Maqsad: umumiy belgilariga ko‘ra predmetlarni tasniflay oladilar. Sotuvchi va oluvchi o‘rtasidagi o‘zaro munosabatlarni, ularning hatti harakatlarini tushunadilar.
Jihoz va material: mahsulotlarni aks ettiruvchi o‘yinchoqlar, peshtaxta, pulning o‘rnini bosuvchilar, kassa.
Faoliyatning borishi:

1. 
   Turli mahsulotlarni (o‘yinchoqlar) peshtaxtaga joylashtirish (magazin bo‘imlari: sabzavot, meva, kanselyariya mollari, kiyimlar)
   
2. 
   Rollarni mustaqil taqsimlash (sotuvchi oluvchi)
   
3. 
   Oluvchilarning do‘stlari bilan supermarketga kelishi: tovarni tanlaydi, kassada to‘lovni amalga oshiradi
   

E’tiborni qaratish kerak: to‘g‘ri nutqni shakllantirish, bolalar o‘rtasida do‘stona munosabatlar , gaplarni to‘g‘ri qurish.


Ilm va tabiat markazi
“Matoning sifati”
Maqsad:matoning sifatlari bilan tanishtirish. Matolar uchun xos sifatlarni ajrata oladilar. Bolalar kiyimlariga ehtiyotkorona munosabatda bo‘ladilar, uni iflos qilmaydilar, chiroyli taxlaydilar.