Sentyabr №1 (bayroqcha bilan)

May №17(predmetsiz)
I.Kirish
Biz bilamiz oʼzimiz,
Mana ikki qoʼlimiz,
Mana ikki belimiz
Аylanamiz har tomon.
Endi navbat oyoqqa
Quyon kabi sakraymiz
Shaxdam qadam tashlaymiz
Yurish. Buben sadolari ostida yurish: oyoq uchida yurish, tovonda yurish, ilon izi boʼlib yurish, yurishdan asta-sekin yugirishga oʼtish, yana yurishga oʼtish. Bolalarni uch guruhga boʼlib turgazish.
II.Аsosiy qism
Umumrivojlantiruvchi mashqlar.
1. D.h: asosiy tik turish, qoʼllar yonda 1-chap oyoqni yon tomonga qoʼyib, qoʼllarni yon tomonga uzatish; 2-dastlabki holatga qaytish. Shuning oʼzini oʼng oyoqda bajarish (6 marta).
2. D.h: oyoqlar biroz kerib qoʼyilgan, qoʼllari belda. 1-3 prujinasimon choʼqqayib, qoʼllarni oldinga uzatish; 4 - dastlabki holatga qaytish (5-6 marta).
3. D.h:oyoqlar yelka kengligida qoʼyilgan, qoʼllar yonda. 1 - qoʼllarni koʼkrak oldida bukish; 2 oʼngga burilib, qoʼllarni yon tomonga uzatish; 3 – qoʼllar koʼkrak oldida; 4 - dastlabki holatga qaytish. Shuning oʼzini chap tomonga burilib bajarish (6-8 marta).
4. D.h: oyoqlar parallel qilib qoʼyilgan, qoʼllar belda. 1- toʼgʼri uzatilgan oʼng (chap) oyoqni koʼtarib, tizza ostida chapak chalish; 2 - dastlabki holatga qaytish (6-7 marta).
5. D.h: tizzalarda turish, qoʼllar belda. 1-2 oʼng son tomonga oʼtirib, qoʼllarni oldinga uzatish; 3-4 dastlabki holatga qaytish. Shuning oʼzini chap songa oʼtirib bajarish (6-8 marta).
6. D.h: oʼtirib oyoqlarni kerish, qoʼllar belda. 1 - qoʼllarni yon tomonga uzatish, 2 - oldinga engashib qoʼlni oʼng (chap) oyoqqa tekkizish; 3-rostlanish, qoʼllarni yon tomonga uzatish; 4 - dastlabki holatga qaytish (6-7 marta).
7. D.h: asosiy tik turish, qoʼllar yonda. Tarbiyachining 1-8 sanogʼi boʼyicha oʼng va chap oyoqlarda sakrash (3-4 marta).
III. Yakuniy qism:
Buben sadolari ostida yurish va yengilgina yugurish. Nafas mashqlarini bajarish.
1. Burundan nafas olish, ogʼizdan chiqarish.
2. Burundan nafas olish, soʼzli nafas chiqarish. Ox qanday mazza, ox qanday mazza kabi.
3. Oʼpkani (koʼkrakni) toʼldirib nafas olish, soʼng koʼrsatgich barmoq bilan burinning bitta katagini berkitib nafasni burun orqali chiqarish, mashq navbatma-navbat oʼng va chap qoʼllar bilan bajariladi.