Seminar mashg‘ulotlar mavzulari

Seminar uchun guruhlarda ishlash uchun tavsiya:
Bahs-munozaralar (yozma ravishda)
Do‘st izlayman


Ta’rifi.
Ushbu mashqni bajarish uchun har bir o‘quvchiga A-4 formatidagi oq qog‘oz va marker yoki ruchka kerak bo‘ladi. Topshiriq: gazetaga do‘st izlayotganligingiz to‘g‘risida (zamonaviy gazetalar «Tanishishlar» ruknida bo‘lgani kabi) e’lon yozing. Unga «Do‘st izlayapman» degan sarlavha bering. Ushbu e’londa o‘zingiz to‘g‘ringgizda, qiziqishlaringiz, sizga nima bilan shug‘ullanish yoqishi, boshqa odam sizni nimasi bilan qiziqtirib qolishi mumkinligi to‘g‘risida aks ettirishingiz mumkin. E’lon katta bo‘lishi kerak, uni samimiyroq yozishga harakat qiling. Siz o‘zingiz e’longa javob berish uchun e’londa nimalarni o‘qishni xohlashingiz to‘g‘risida o‘ylab ko‘ring. E’lon ostiga ismi-sharifingizni yozib qo‘yishingiz shart emas yoki o‘zingizga taxallus o‘ylab topishingiz mumkin.
Shundan so‘ng e’lonlar sinf xonasining devorlariga ilib qo‘yiladi va o‘quvchilar ularga juda yoqib qolgan uchta e’lonni biron belgi bilan belgilab qo‘yadilar. O‘qituvchi barcha o‘qib chiqilgan e’lonlarni ko‘rib chiqib, bolalarga boshqalaridan ko‘proq yoqib qolgan uchta e’lonni devordan oladi va o‘qib eshittiradi.

Muhokama:

• 
  Ushbu e’lonlar sizni qay jihati bilan qiziqtirib qoldi?
  
• 
  Siz bunday do‘stga ega bo‘lishni xohlarmidingiz? Nima uchun?
  
• 
  Siz nima deb o‘ylaysiz, kim sizni o‘zining do‘sti deb ishonarli ayta oladi?
  
• 
  Samimiylik tushunchasini kim tushuntira oladi?
  
• 
  Samimiy bo‘lish qiyinmi? Nima uchun?
  
• 
  O‘zingiz to‘g‘ringizda yozish qiyin bo‘lmadimi? Bu qiyinchilik nimadan iborat edi?
  
• 
  O‘zingiz «do‘st” tushunchasiga muvofiq bo‘lishingiz mumkinligi yoki yo‘qligi to‘g‘risida o‘ylab ko‘rganmisiz?
  

Foydalanish doiralari.
Ushbu mashqni o‘rganilayotgan mavzuga moslashtirib, davlat standartlariga muvofiqlashtirib, har qanday o‘quv fanida qo‘llash mumkin.
Afzalliklari
O‘z qobiliyatlarini o‘zi ro‘yobga chiqarish, muloqot yuritishdagi to‘siqlarni bartaraf etishga yordam beradi va muomala qilish ko‘nikmalarini takomillashtiradi. O‘rganilayotgan mavzu bo‘yicha o‘quvchilarning bilim orttirish harakatlarini rag‘batlantiradi.
Qiyinchiliklar.
O‘quv mavzusi bo‘yicha mazkur mashqdan foydalanishda kuchsiz o‘quvchilarga yordam kerak bo‘lishi mumkin