Seminar mashg‘ulotlar mavzulari

SEMINAR MASHG‘ULOTLAR MAVZULARI

Seminar mashg‘ulotlarida talabalar amaliy tilshunoslik mashg‘ulotlarida lug‘atlardan( sinonim, omonim) so‘zlardan foydalanish ko‘nikmalarini hosil qilish, lug‘atlarning o‘ziga xos xususiyatlari, fonetik, morfologik, leksik-semantik jihatlari va sintaktik qurilishi haqida, o‘zbek tilining omonim va sinonim lug‘atlarining tavsifi va tasnifi, tahlil metodlari haqida amaliy ko‘nikma va malaka hosil qiladilar.

1-seminar mashg‘uloti
Mavzu e’lon qilinadi: O‘zbek tilining izohli lug‘atlarida ma’nodosh, shakldosh so‘zlarning berilishi.
Seminar mashg‘ulot maqsadi va vazifalari: Mavzusi bo‘yicha ma’ruzada o‘tilgan mavzuni nazariy hamda amaliy tomondan mustahkamlash.
Ta’lim vositalari: doska, tarqatma materiallar, proyektor, ko‘rgazmali vositalar.
Ta’lim metodi: savol-javob, munozara, “AKVARIUM” metodi.
Reja:
1. Izohli lug‘atning o‘ziga xos tomonlari ( tahlil va tavsif).
2. Izohli lug‘atlarda sinonim so‘zlar qatori…
3. Izohli lug‘atlarda omonim so‘zlar qatori…
Asosiy tushunchalar: Lug‘at, leksikografiya, izohli lug‘at, omonim, sinonim
Nazariy ma’lumot:
Oʻtgan bir yil ichida ona tilimizga eʼtibor masalasi davlat siyosati darajasiga koʻtarilgani barchamizni mamnun qilmoqda.
Shunday yuksak munosabatning bir koʻrinishi sifatida Prezidentimizning bu yilgi Oʻzbek tili bayrami kuni arafasida eʼlon qilingan “Mamlakatimizda oʻzbek tilini yana-da rivojlantirish va til siyosatini takomillashtirish chora-tadbirlari toʻgʻrisida”gi farmoniga muvofiq, bir necha lugʻat nashr etilishi rejalashtirilmoqda. Chop etiladigan lugʻatlar orasida “Oʻzbek tilining izohli lugʻati” ham bor.
Bu yil tuzatilgan ikkinchi nashri bosmadan chiqqan mazkur lugʻatning yana qayta chop etilishi koʻnglimizda paydo boʻlgan mulohazalarni yozishga undadi. Zero, maktablarda oʻqitiladigan ona tili darslarida lugʻat bilan ishlash jarayoniga keng oʻrin ajratilgan. Oʻqituvchi va oʻquvchi mashgʻulot paytida “Oʻzbek tilining izohli lugʻati”ga koʻproq murojaat qilishi turgan gap. Oʻz-oʻzidan ayonki, lugʻat oʻqituvchi va oʻquvchi uchun zarur manba hisoblanadi. Deylik, insho yozar ekan, oʻquvchi izohli lugʻatga suyanadi va inshoni tekshirish mobaynida oʻqituvchi ham shu yoʻldan borishi darkor.