Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Имона раҳбарини кўриб қолиб: Вой узр, сизни тушликка кетдингиз деб ўйлабман... деганча қайтиб чиқиб кетмоқчи бўлганда Саид уни тўхтатиб қолади.
Саид: Имона тўхтанг, ишингизни қилаверинг, мен ҳозир кетий деб тургандим. Келишимга хоналаримни тахт қиб қўйинг. Бундан кейин эрталаб вақтли мен келгунимча тозалаб чиқинг.
Имона: Менда калитингиз бўлмаганга кира олмайман хонангизга.
Саид: Мен сизга калитимни дубликатини бераман... Бошлайверинг ишингизни... деганча чиқиб кетаётганда соддагина, оддий бу қизга қараб қўяди ва
Саид: Имона турмушга чиққанмисиз?
Имона ерга қараб: Йўқ ҳали.
Саид: Ким билан турасиз? Ота-онангиз биланми?
Имона: Ота-онам ўтиб кетишган, бир ўзим яшайман.
Саид қараб қолади: Майли, яхши ишланг... деганча чиқиб кетади...
Имона бир чеккадан пол артишни бошлайди... ЗТМ...
2 – ЭПИЗОД.
Кадрда Саиднинг хонадони хонаси.
Диванда битта қўл билак томирини бинт билан боғлаганча Сарвиноз эри Саид билан ўтирибди. Саид хотинини қўлини силаб: Ўзимми аҳмоққинам, қўлинг оғримаяптими?
Сарвиноз: Мени туғмас деб устимдан кулганларига юрагим оғрияпти.
Саид: Қўявер, сен куладиганларга аҳамият берма. Бир куни бизни орзуларимиз ҳам рўёбга чиқади.
Сарвиноз: Лекин қачон Саид ака, қачон? Ахир бир икки йилмас, ўн йил бўлди. Ортиқ сабрим қолмади. Сизниям бошингизни эгдим. Бошида уйимдагилар сизни касалманд деб қанча ҳақорат қилишди, кейин айб сиздамас мендалиги аён бўлгандан кейин жим бўлишди.
Саид: Ҳалиям жим бўлишмади, сени кечаги қилган ахмоқгарчилигинг учун даданг қанча мени койидилар.
Сарвиноз: Сиз мени қанчалик яхши кўришингизни биламан, Лекин айб мендалигини билиб туриб, худбинларча ўтиришим менгаям тинчлик бермаяпти. Энди менинг жавобимни беринг, дадамга ўзим тушунтираман.
Саид: Жавобингни бериш ниятим бўлганида мен дадангга ҳам қараб ўтирмасдим. Тўғри, фарзандли бўлгим келади, аммо сенсиз менга болани кераги йўқ. Биласан-ку сени жонимдан ортиқ кўраман.